თბილისის მეხუთე მოწვევის საკრებულო დღეს ბოლო სხდომას გამართავს

პოლიტიკა - 09:39, 07 Nov, 2017

948

თბილისის მეხუთე მოწვევის საკრებულო ბოლო სხდომას დღეს მართავს. საკრებულოს საკრებულოს თავმჯდომარის გიორგი ალიბეგაშვილის თქმით, სხდომაზე ქალაქის განვითარებისთვის საჭირო საკითხებს განიხილავენ. პარალელურად, დაგეგმილია სარევიზიო კომისიის 6 თვის ანგარიშის მოსმენა.

”ვფიქრობ, დღევანდელი სხდომა იქნება იმის მაჩვენებელი თუ მეხუთე მოწვევის საკრებულო რა მიმართულებით მუშაობდა და ერთგვარი შემაჯამებელი სურათი იმისა თუ როგორ ყალიბდებოდა ამ სამ წელიწადნახევრის მანძილზე ის ძირითადი მიმართულებები, რომელიც ჩვენი თანამემამულეებისთვის იყო საჭირო,“ - განაცხადა ალიბეგაშვილმა.

საკრებულოს მუშაობას აკრიტიკებს ოპოზიცია. მათი თქმით საკრებულოს უმრავლესობის წევრები მთელი ამ წლების განმავლობაში თბილისელების პრობლემების მოგვარების ნაცვლად, მმართველი გუნდის და ბიძინა ივანიშვილის ინტერესების დაცვას ემსახურებოდნენ.

ახლადარჩეული საკრებულოს პირველი სხომა სავარაუდოდ მომავალ კვირას გაიმართება. 21 ოქტომბერს საქართველოში ჩატარებული თვითმმართველობის არჩევნების შედეგად თბილისის საკრებულოშიპროპორციული სიით „ქართულმა ოცნებამ" 53.15% აიღო, აქედან გამომდინარე „ოცნებას“ საკრებულოში 15 მანდატი ექნება.