,,უტიფრობააო, მეგის ქარდავას არ იცნობთო... გვეუბნება ბედუკაძით და რაფალიანცით ხელისუფლებაში მოსული მკვლელებისა და ცილისმწამებლების "ბუკეტი"

სოც.მედია - 23:30, 06 Nov, 2017

5809

ნაციონალური მოძრაობის წევრი, ზაზა ბიბილაშვილი ფეისბუქის გვერდზე პოსტს აქვეყნებს:

"შუაშისტი" ქოცები, ახალი თაობის წითელი ინტელიგენტები, ქოცხელისუფლების ახლობლები და ნათესავები, ისინი, ვინც სინამდვილეში ძალიან კარგად არიან ივანიშვილის ფეოდალური რეჟიმის პირობებში, სისხლს შარდავენ ბრალდებული მეგის ქარდავას თემაზე - აქაოდა, როგორ ამბობთ, რომ პარტიის წევრი არ ყოფილა და არ იცნობთო. უტიფრობააო.

უტიფრობააო! - გვეუბნება ბედუკაძით და რაფალიანცით ხელისუფლებაში მოსული მკვლელებისა და ცილისმწამებლების "ბუკეტი".

ძალა, რომლებმაც დადასტურებული(!) და არა ეჭვმიტანილი ჯაშუშები (შკრილნიკოვი და სხვები), რელიგიური ექსტრემისტები (რომელი ერთ გავიხსენოთ) , ფსბ-ს აგენტი სეპარატისტები (ჩახალიანი), საერთაშორისო ტერორისტები (ჩატაევი) და ჩვებულებრივი მკვლელები (დუდაევი) პოლიტპატიმრისა თუ უკანონოდ დევნილის სტატუსით გაათავისუფლა.

ძალა, რომელმაც აწამა და მოკლა შალვა თათუხაშვილი და სპეცოპერაცია "კოდორი 2007"-ის მონაწილე გმირ სპეცრაზმელთა დიდი ნაწილი.

ძალა, რომელმაც დააბრუნდა შეკვეთილი მკვლელობები (ეროსი კიწმარიშვილი, ხარძიანი და სხვები).

ძალა, რომელმაც დააბრუნა ადამიანების გატაცება და გაქრობა, ხელისუფლების უშუალო მონაწილეობით (აფგან მუხთარლი).

ძალა, რომელმაც გააუქმა მართლმსაჯულება (რუსთავი 2-ის საქმეზე ევროსასამარლოს გადაწყვეტილება სწორედ ამას ნიშნავს - პირველად ევროსასამართლოს 60-წლიან ისტორიაში, სასამართლომ შეაჩერა ქვეყნის უზენაესი სასამართლოს დიდი პალატის მიერ სამოქალაქო საქმეზე ერთხმად მიღებული გადაწყვეტილება).

ძალა, რომელმაც დააბრუნა ჩვეულებრივი კორუფცია, ყველა უწყებაში და ყველა დონეზე - სასამართლოში, საგადასახადოში, საბაჟოზე, ტენდერებში.

ძალა, რომელმაც მოღალატეობრივი ხელშეკრულება დადო გაზპრომთან და რომელის ხელისუფლებაც სავსეა რუსეთუმეებითა და საბჭოთა ნარჩენებით.

ძალა, რომელიც რომელიც პენსიას ერთი თეთრით არ ზრდის, მაგრამ ერთი წლის მანძილზე 41-ჯერ უწერს პრემია-დანამატს გამილიონერებულ კორუმპირებულ ჩინოვნიკს, რომელიც 2012 წელს სოციალურად დაუცველთა სიაში იყო.

ძალა, რომლის მავლებლური და ქსონოფობიური პოლიტიკის გამო, 9 წლის მანძილზე საშუალოდ 7%-ით მზარდი ეკონომიკა ლამის გაჩერდა, რომლის პირობებშიც რეკორდულად გაუფასურდა ლარი და გაღარიბდა ხალხი.

ძალა, რომელმაც პატივი მიაგო ყველას, ვინც ქართულ სახელმწიფოს ებრძოდა და დევნის ყველას, ვინც ქართულ სახელმწიფოს აშენებდა.

ძალა, რომელმაც სახელმწიფო ინსტიტუტები ერთი უბირი ოლიგარქის დუქნად, მისი მონებისა და მოჯამაგირეების სამართავ კორპორაციად აქცია.

ძალა, რომელიც მერიასა და საკრებულოში პოლიციის ძალით, უკანონოდ არ უშვებს დეპუტატებს, მაგრამ იქვე კორიდორს უკეთებს დადასტურებულ მოძალადეს, რომელმაც კამერების წინ ხელი აღამრთა პოლიციელებზე.

ძალა, რომელიც საკუთარი კეთილდღეობის შესანარჩუნებლად თბილისის ისტორიულ ცენტრს და სხვა ფასდაუდებელ ქონებას ოლიგარქის ოჯახს ჩუქნის.

ძალა, რომელიც რუსულ პროპაგანდისტულ ტყუილებზე - 26 ათას გაუპატიურებულ ჭაბუკზე, სანდრას მიერ გაყიდულ ორგანოებზე და 300 ათას პატიმარზე - დგას.

ძალა, რომლის სახე და ღირებულებები თითქმის სრულად ჩანს მეჭიაურ-ქუცნაშვილის გაბაასების მაგალითზე...

აი, ამ ძალის გულშემატკივრები გველაპარაკებიან ჩვენ უტიფრობაზე! ეს მართლა უტიფარი ქოცები, ესენი!!!