გენერალური აუდიტორი ირაკლი მექვაბიშვილი და გენერალური აუდიტორის მოადგილე ეკატერინე ღაზაძე გერმანიის ფედერაციის აუდიტის სამსახურის წევრს, სამართლის დოქტორს, მათიას მერინგს და გერმანიის საერთაშორისო თანამშრომლობის საზოგადოების (GIZ) პროგრამის PFM-ის მრჩეველს, ინგა სინჯიკაშვილს შეხვდნენ.

შეხვედრაზე განიხილეს სახელმწიფო აუდიტის სამსახურსა და GIZ-ს შორის თანამშრომლობის ძირითადი ასპექტები, მათ შორის, ორგანიზაციული და ტექნიკური მხარეები.

დოქტორ მათიას მერინგის შეფასებით, გერმანული მხარე ასევე აქტიურად თანამშრომლობს საქართველოს პარლამენტთან იმ საკანონმდებლო ინიციატივების მიმართულებით, რაც ხელს შეუწყობს სახელმწიფო აუდიტის სამსახურის ინსტიტუციონალურ გაძლიერებას.

გენერალურმა აუდიტორმა მადლობა გადაუხადა სტუმრებს მხარდაჭერისა და თანადგომისთვის. ირაკლი მექვაბიშვილის განცხადებით, გერმანიის საერთაშორისო თანამშრომლობის საზოგადოებასთან (GIZ) პარტნიორობა დაეხმარება სახელმწიფო აუდიტის სამსახურს, გაცილებით მაღალ ხარისხში განახორციელოს საერთაშორისო სტანდარტების შესაბამისი აუდიტორული საქმიანობა.