„ქართული ოცნება“ დღევანდელ ბიუროს სხდომაზე ახალ კონსტიტუციაში ცვლილებების ინიცირებას გეგმავს. როგორც ცნობილია, მმართველი გუნდი საკონსტიტუციო ცვლილებებთან დაკავშრებულ ყველა პროცედურას თავიდან გაივლის. ასევე ხელახლა უნდა შეიქმნას საკონსტიტუციო კომისია:

„საუბარია ვენეციის კომისიასთან მიღწეულ შეთანხმებაზე, ამ შეთანხმების შესაბამისად შევა ცვლილებები კონსტიტუციაში. ამ კვირაში აუცილებლად იქნება ინიცირებული ცვლილებები,“-განაცხადა ირაკლი კობახიძემ.

განხილვები მთავარი ოპოზიციური ძალების გარეშე ჩაივლის. მათ კომისიის მუშაობას ბოიკოტი გამოუცხადეს.

„უპრეცედენტო ფაქტია, როცა კონსტიტუციონალიზმის ისტორიაში არ მომხდარა ასეთი შემთხვევა, როდესაც ორი კვირის წინ მიღებულ ქვეყნის მთავარ კანონს ცვლიდე ორი კვირის შემდეგ. ცვლილებები შეგქონდეს ცვლილებებისთვის და არა იმისთვის, რომ რაღაცა სიკეთე დაადგეს ქვეყანას. ის კომისიაც, რომელიც მანამდე მუშაობდა იყო ბლეფი,“-აცხადებს „ენმ“-ს წევრი გიორგი ბოტკოველი.