ე.წ ქართული მარშის აქციაზე 6 ადამიანია დაკავებული - ამის შესახებ ინფორმაციას შინაგან საქმეთა სამინისტრო ავრცელებს. უწყებაში განმარტავენ, რომ ექვსივე პირი ადმინისტრაციული წესითაა აყვანილი, მათ ბრალად პოლიციისთვის წინააღმდეგობის გაწევა და წვრილმანი ხულიგნობა ედებათ.

დაკავებულები ვაკის პირველ განყოფილებაში არიან ვადაყვანილები.

შეგახსენებთ ადამიანების გარკვეულმა ჯგუფმა საქართველოს ნაკრების გამორჩეული ფეხბურთელი და ნიდერლანდების ქალაქ არნემის "ვიტესის" კაპიტანი გურამ კაშია ერთ-ერთ მატჩზე ლგბტ დროშის სამკლაურით გამოსვლის გამო ქართული ტრადიციების შეურაცხყოფაში და ლგბტ პროპაგანდაში დაადანაშაულა და მისი „ეროვნული ნაკრებიდან მოკვეთა“ მოითხოვა. ამ მოთხოვნით ე.წ ქართული მარში ფეხბურთის ფედერაციასთან აქცია გამართა.

აქციაზე, სამართალდამცავებსა და აქციის მონაწილეებს შორის დაპირისპირება მოხდა. პატრულის თანამშრომლებმა აქციის მონაწილეების დაკავება პიროტექნიკის გამოყენების გამო სცადეს, რასაც აქციაზე დაპირისპირება მოჰყვა.