"ამ ადამიანებს ჩემს მიმართ აქვთ პრობლემა"- კობიაშვილი "ქართული მარშის" ბრალდებებს პასუხობს

პოლიტიკა - 21:04, 31 Oct, 2017

1647

საქართველოს ფეხბურთის ფედერაციის პრეზიდენტი ლევან კობიაშვილი „ქართული მარშის“ მხრიდან გაჟღერებულ ბრალდებებს პასუხობს. კობიაშვილი აბსურდულს უწოდებს „ქართული მარშის“ ბრალდებას მუქარასთან დაკავშირებით და აცხადებს, რომ ამ მოძრაობას მის მიმართ აქვთ პრობლემა და ეს პირველი შემთხვევა არაა, როდესაც ის „ქართული მარშის“ მხრიდან თავდასხმის სამიზნე ხდება. კობიაშვილი გურამ კაშიას მიმართ გამოხატული მხარდაჭერისთვის საზოგადოებას მადლობას უხდის.

„ძალიან მახარებს ის მხარდაჭერა, რომელსაც უამრავი ადამიანნი გურამ კაშიას მიმართ იჩენს. ეს ადამიანები კი ეწინააღმდეგებიან გამოხატვის თავისუფლებას და ხელს უწყობენ აგრესიას,ძალადობას და დისკრიმინაციას.

მე ვარ ადამიანი, რომელიც პირდაპირ ვიძახი, რომ წინააღმდეგი ვარ ყველანაირი ძალადობის. აბსოლუტურად აბსურდული ბრალდებებია. სრული პასუხისმგებლობით ვაცხადებ რომ წინააღმდეგი ვიყავი, ვარ და ვიქმები ნებისმიერი ძალადობის. „ქართული მარშის“ წარმომადგენლებთან სანდრო ბრეგაძესა და გია კორკოტაშვილთან რამდენიმე წუთი ვისაუბრეთ და დავშორდით, არანაირი მუქარა არ ყოფილა. ამ ადამიანებს ჩემს მიმართ აქვთ პრობლემა. მაბრალებდნენ, რომ დინამოს სტადიონთან კლუბში ნარკოტიკების გაყიდვას ვუწყობ ხელს.“- განაცხადა ლევან კობიაშვილმა.