"იმუქრებოდა, რომ მისი ძმა პროკურორია და ყველას ციხეში ჩასვამდნენ"- რა მოხდა "სალვუს დეველოპმენტში"

პოლიტიკა - 13:16, 31 Oct, 2017

1877

სალვუს დეველოპმენტში მუქარასა და შანტაჟზე საუბრმე ეხება გუშინ მომხდარ ფაქტს, როცა კომპანიაში პროკურორ ბექა ეჟიაშვილის ძმა დავით ეჟიაშვილი მივიდა. შეხვედრიდან გამოსულმა კი განაცხადა, რომ კომოანიის მფლობელი გიორგი სოზაშვილი მას იარაღით დაემუქრა.
სოზაშვილი გუშინვე დაკითხეს. სამართალდამცავები ოფისში და ბიზნესმენის საცხოვრებელ სახლში იარაღს ეძებდნენ თუმცა ვერ იპოვეს.
„სალვუს დეველოპმენტის“ წარმომადგენლები და იურისტები გუშინდელ ფაქტს ბიზნესზე ზეწოლად აფასებენ.
კომოანიის წარმომადგენლები აცხადებენ, რომ მათ ხელშეკრულება არ დაურღვიათ. კომპანიის წარმომადგენლების თქმით, ობიექტის მშენებლობა 2018 წლის დეკემბერში უნდა დასრულებულიყო შესაბამისად მოქალაქის განცხადებას ტყუილს უწოდებენ.
„ეს იყო მიზანმიმართული. ვადების გადაცილებას ადგილი არ აქვს. ოფისში, დაახლოებით, 20-25 კაცი იყო და მხოლოდ მან დაინახა, რომ იარაღით ემუქრებოდნენ. იარიღი ვერც ოფისში და ვერც სახლში აღმოაჩინეს,“ - განაცხადა გიორგი სოზაშვილის მეუღლემ, ანი მურვანიძემ.
სოზასვილის ინტერესებს ადვოკატი მარინე ცუცქირიძე იცავს.
„მოქალაქე მოვიდა ოფისში, ვითმდა რაღაც საკითხების გასარკვევად, თვითონვე მოაწყო პოროვოკაცია, იმუქრებოდა, რომ მისი ძმა პროკურორია და თუ ის საჭიროდ ჩათვლიდა, ყველას დაიჭერდა. მისი ძმაც მოვიდა ოფისში, მოიყვანა თანმხლები პროკურორებიც, რომლებიც უფლებამოსილებას ამეტებდნენ. წინასწარვე დააანონსეს, რომ ოფისში ჩხრეკას ჩაატარებდნენ და ყველას ციხეში ჩასვამდნენ,“ - აცხადებს ადვოკატი მარინე ცუცქირიძე.
„სალვუს დეველოპმენტის“ დამფუძნებელი გიორგი სოზაშვილი საგამოძიებო უწყებიდან გამოკითხვის გარეშე, ნარკოლოგიური შემოწმების შემდეგ გაათავისუფლეს.
გიორგი სოზაშვილი მომხდარს ზეწოლად აფასებს და ”რუსთავი 2”-ს უკავშირებს.