„ნაციონალურმა მოძრაობამ“ დრეს თბილისის სხვადასხვა უბანზე გამოვლენილ დარღვევებზე საგანგებოდ გამართულ ბრიფინგზე ისაუბრა და შესაბამისი ვიდეო კადრები წარადგინა.

ენმ-მ ავლაბრისა და ისნის საარჩევნო უბნებზე მომხდარი ფაქტების ამსახველი ვიდეო მასალაც წარადინა.

კადრებში ჩანს, რომ ერთ შემთხვევაში ამომრჩეველს ვადაგასული პირადობის მოწმობა აქვს, ხოლო საარჩევნო კომისიის წევრმა მას მიუთითა, რომელ მაგიდასთან უნდა მისულიყო, რომ ვადაგასული პირადობით ხმის მიცემა შეძლებოდა.

მეორე შემთხვევაში კი, ამომრჩეველს პირადობის დამადასტურებელი მოწმობა საერთოდ არ ჰქონდა, თუმცა საარჩევნო კომისიის წევრი მოქალაქეს ეუბნება, რომ კომისიის თავმჯდომარესთან ფაქტი შეთანხმებული აქვს.

აღსანიშნავია რომ ამ უბანზე პირადობის დამდასტურებელი მოწმობის გარეშე ამომრჩეველმა ხმის მიცემა შეძლო.