„ჩვენს მოთხოვნას რა ვადებში და რა მეთოდით განიხილავს, უკრაინული სახელმწიფოს კომპეტენციაა“

„ჩვენს მოთხოვნას რა ვადებში და რა მეთოდით განიხილავს, უკრაინული სახელმწიფოს კომპეტენციაა“ - წულუკიანი სააკაშვილის ექსტრადიციაზე

პოლიტიკა - 17:32, 30 Oct, 2017

1279

საქართველოს იუსტიციის მინისტრის თეა წულუკიანის განცხადებით, იუსტიციის სამინისტროსა და პირადად მას უკანსკნელი დღეესბის განმავლობაში მიხეილ სააკაშვილის ექსტრადირებასთან დაკავშირებით უკრაინელ კოლეგებთან დიალოგი არ ჰქონიათ:

„პრინციპში, სადიალოგოც არ არის ბევრი, რადგან ჩვენ 2014 წლიდან ჯერ პროკურატურის, ხოლო შემდეგ იუსტიციის სამინისტროების დონეზე რამდენიმე თვის წინ გვქონდა დიალოგი. ყველანაირი დოკუმენტაცია და მოთხოვნები არის გადაგზავნილი. როგორც იცით, 2014-2015 წლებში უარი შემოვიდა ჩვენს მოთხოვნებზე. ბოლოს მოთხოვნილ იქნა კიდევ ერთხელ დადასტურება იმისა, რომ კვლავ ძალაში იყო ჩვენი ექსტრადიციის მოთხოვნა, რაც რამდენიმე ხნის წინ გაკეთდა, მაგრამ ამ დღეეებში რაიმე სიახლე არ ყოფილა. ჩვენს მოთხოვნას როგორ განიხილავს უკრაინული მხარე, რა ვადებში და რა მეთოდით, ეს არის მთლიანად უკრაინული სახელმწიფოს კომპეტენცია“, - განაცხადა თეა წულუკიანმა.

იუსტიციის მინისტრის თქმით, რა დოკუმენტაციაც არის უკრაინაში გაგზავნილი, ქმნის მყარ საფუძველს, რომ სურვილის შემთხვევაში, ექსტრადიციის მოთხოვნა დაკმაყოფილდეს.