ლარის კურსი კატასტროფულად ეცემა - „დამნაშავე მთავრობაა და სებ-ზე თავდასხმით საკუთარ უგუნურ პოლიტიკას იცავენ“

პოლიტიკა - 15:12, 30 Oct, 2017

5424

კომერციულ ბანკებში დღეის მონაცემებით ლარის გაცვლითმა კურსმა დოლართან მიმართებით 2.63 ლარი შეადგინა. ეროვნული ვალუტის ფასი დღეს დილიდან სვაალუტო ბაზარზე 5 თეთრით დაეცა. კურსი 2.58-დან 2.63 ლარამდე ავიდა. ოფიციალურ გაცვლით კურსს საქართველოს ეროვნული ბანკი დღეს 17:00 საათისთვის დაადგენს.

ოპოზიციის რიგებში ლარის გაუფასურებას მმართველი გუნდის არასწორ ეკონომიკურ პოლიტიკას უკავშირებენ და ეკონომიკური გუნდის პასუხისმგებლობას აყენებენ.

„ლარის კურსი დამოკიდებულია ორმხრივ ფაქტორზე, მხოლოდ ვალუტის შემოდინებაზე არ არის დამოკიდებული, არამედ მასაზეც. ამ პროცესში პირდაპირ არის დამნაშავე საქართველოს მთავრობა. როდესაც უმრავლესობა თავსესხმის ეროვნულ ბანკს, ამ შემთხვევაში ეს იცავს საქართველოს მთავრობის იმ უგუნურ პოლიტიკას, რომელსაც ის სჩადიოდა მთელი ამ 4 წლის განმავლობაში, 500 მილიონი მისცა ივლისიდან მოყოლებული დღემდე კომერციულ ბანკებს სესხი ბიუჯეტიდან და ბუნებრივია, რომ ეს ფული მიმოქცევაში მიდის, რა თქმა უნდა ზეწოლას ახდენს, თავი რომ დავანებოთ იმას, რომ ყოველწლიურად ხდება არამიზნობრივი ხარჯვა და ახლა ბოლო 2 თვეში უნდა დაიხარჯოს 2 მილიარდ-ნახევარი ლარი“, - აცხადებს „ერთიანი ნაციონალური მოძრაობის“ წევრი რომან გოცირიძე.