დღეიდან საქართველოს კონსტიტუციაში ცვლილებების შესახებ კანონპროექტის ინიცირება მოხდება. საქართველოს პარლამენტის თავმჯდომარის ირაკლი კობახიძის განცხადებით, პარლამენტი ცვლილებებს, რომელიც საარჩევნო ბლოკების ერთჯერადად დაშვებას, ბონუსების სისტემის გაუქმებას, რწმენის თავისუფლებასთან დაკავშირებული მუხლის ჩასწორებას და არჩევნებთან დაკავშირებით საკონსტიტუციო სასამართლოს უფლებამოსილებებს ეხება.

პარლამენტი 15 დეკემბრამდე ორი მოსმენით მიიღებს, ხოლო გაზაფხულზე, მესამე მოსმენა შედგება.

კობახიძის თქმით, პარლამენტში კანონპროექტის ინიცირების შემდეგ საყოველთაო-სახალხო განხილვის კომისია შეიქმნება.

„პარლამენტში, კანონპროექტის ინიცირება ორშაბათს ან სამშაბათს მოხდება, ანუ მომავალი კვირის დასაწყისში. ამის შემდეგ კი უკვე შეიქმნება საყოველთაო-სახალხო განხილვის კომისია, რომელიც ერთი თვის განმავლობაში იმუშავებს და ჩვენ, როგორც დავპირდით ვენეციის კომისიას, ვგეგმავთ, 15 დეკემბრამდე ორი მოსმენით უკვე კანონპროექტის მიღებას," - განაცხადა ირაკლი კობახიძემ.

საკონსტიტუციო კომისიის მუშაობაში ჩართვას სავარაუდოდ, არ შესთავაზებენ მესამე სექტორს, ოპოზიციას კი, პროცესებში მონაწილეობასთან დაკავშირებით გადაწყვეტილება ჯერ არ მიუღია.