კონგრესმენმა ტედ პომ და კონგრესმენმა ჯინ გრინმა 23 ოქტომბერს ორპარტიული რეზოლუცია წარადგინეს, რეზოლუცია, რომელიც კვლავ გამოხატავს ამერიკის შეერთებული შტატების მხარდაჭერას საქართველოს სახელმწიფოს მიმართ, ხაზს უსვამს და მიუთითებს ქვეყანაში, სახელისუფლო დონეზე კორუფციისა და ბიუროკრატიული არეულობის არსებობაზე.

„ნიუპოსტთან“ საუბრისას ექსპერტი საერთაშორისო საკითხებში თორნიკე შარაშენიძე აცხადებს, რომ კონგრესმენების განცხადებები და არსებული რეზოლუცია საქართველოს მთავრობის მისამართით არის ნათქვამი, რაც მმართველმა გუნდმა უნდა გაითვალისწინოს:

„დიპლომატიურ ენაზე საკმაოდ მძიმე რაღაც არის ნათქვამი, როგორც ჩანს არსებობს ისეთი პრობლემები, რომლებიც არ ვიცით იმ ხალხმა, ვისაც ბიზნესთან შეხება არ გვაქვს, ამ პრობლემებმა კი სერიოზულად შეაწუხა ინვესტორები, მათ შორის ამერიკელი ინვესტორები. როგორც ჩანს ეს აღმოჩნდა სიურპრიზი, რადგან კორუფცია გარკვეული პერიოდის წინ მომსპარი იყო, როგოც ჩანს ისევ წამოყო თავი რაღაც დონეზე, იმედია გამგები გაიგებს, ეს იყო საქართველოს მთავრობის მისამართით ნათქვამი“, - განაცხადა თორნიკა შარაშენიძემ.