კონგრესმენმა ტედ პომ და კონგრესმენმა ჯინ გრინმა 23 ოქტომბერს ორპარტიული რეზოლუცია წარადგინეს, რეზოლუცია, რომელიც კვლავ გამოხატავს ამერიკის შეერთებული შტატების მხარდაჭერას საქართველოს სახელმწიფოს მიმართ, ხაზს უსვამს და მიუთითებს ქვეყანაში, სახელისუფლო დონეზე კორუფციისა და ბიუროკრატიული არეულობის არსებობაზე.

ოპოზიციის რიგებში აცხადებენ, რომ ამერიკელი კონგრესმენების კრიტიკა რეალურია:

„ეს არის ძალიან სახიფათო სიგნალი საქართველოს ხელისუფლებისთვის და ყვითელი ბარათი პირადად ივანიშვილისთვის. აქ არ არის ზოგადად გარემოზე შეფასება, მე ვიცი კონკრეტულად ის შემთხვევები, კონკრეტულად ის უმსხვილესის აერთაშორისო კომპანიები, რომლებიც საქართველოს ხელისუფლების მიერ, ივანიშვილის დავალებით იქნა შევიწროებული, ამისთვის გამოყენებული იქნა აღმასრულებელი ხელისუფლება, ამისთვის გამოყენებული იქნა სასამართლო ხელისუფლება, სწორედ ამან გამოიწვია ორპარტიული რეზოლუციის შეტანა კონგრესში, ასეთი რამ ჩვენ შევარდნაძის პერიოდის მერე არ გვინახავს და ეს არის დასტური იმისა, რომ ივანიშვილი ჩვენს ქვეყანას მიაქანებს უკან“, - განაცხადა „ერთიანი ნაციონალური მოძრაობის“ წევრმა ზაზა ბიბილაშვილმა.