საქართველოს პრემიერ-მინისტრმა გიორგი კვირიკაშვილმა დღეს გამართულ მთავრობის სხდომაზე განაცხადა, რომ 240 დევნილ ოჯახს საცხოვრებელი ფართები საკუთრებაში გადაეცემა. პრემიერის თქმით, დევნილები საცხოვრებელ ფართს თბილისში, გორში, რუსთავსა და ბათუმში მიიღებენ:

„ჩვენ ვაგრძელებთ დევნილებისთვის საკუთრებაში საცხოვრებლის გადაცემას. 240 დევნილი ოჯახი დღევანდელი მთავრობის სხდომის გადაწყვეტილებით თბილისში, გორში, რუსთავსა და ბათუმში მიიღებს ფართებს საკუთრებაში“, - განაცხადა პრემიერმა.

მისივე თქმით, 2012 წლიდან დღემდე საცხოვრებელი ფართით 15 800 დევნილი ოჯახი დაკმაყოფილდა.