თბილისის მერობის კანდიდატმა კახა კალაძემ პრეზიდენტს უპასუხა. საუბარია პრეზიდენტის მიერ გუშინ „მაესტროს“ ეთერში გაკეთებულ განცხადებაზე, სადაც მარგველაშვილმა არჩევნების ფარგლებში „ქართული ოცნების“ მხრიდან ადმინისტრაციული რესურსის სავარაუდო გამოყენების შესახებ ისაუბრა.

კალაძის თქმით, პრეზიდენტის მხრიდან მოგონილ ჭორებზე განცხადების გაკეთება არასწორია:

„თუ არსებობს ამის რაიმე დამადასტურებელი ფაქტი, ერთად მივმართოთ შესაბამის სამსახურებს, მოხდეს გამოძიება. თუ ვინმე ავალდებულებდა ამ ადამიანებს, იყო ზეწოლა, ესეც გამოიძიონ. ის, რომ მასწავლებელი, ბაღის თანამშრომელი, ექიმი ჩართული იყო საარჩევნო პროცესებში და მხარს მიჭერდა, მე პირადად და „ქართულ ოცნებას“, აქ დასაძრახი და სიახლე არაფერი არ არის,“ - განაცხადა კახა კალაძემ.