"მე უკვე გარკვეულწილად უძლური ვარ"- მეუფე დიმიტრის თქმით მამალაძის ზიარების საკითხი საპატრიარქოში უნდა გადაწყდეს

პოლიტიკა - 16:52, 25 Oct, 2017

4818

ბათუმისა და ლაზეთის მიტროპოლიტმა დიმიტრიმ დღეს ე.წ მატროსოვის ციხეში მკვლელობის მომზადებისთვის მსრჯავდებული დეკანოზი გიორგი მამალაძე მოინახულა. როგორც სასჯელაღსრულების დაწესებულებიდან გამოსულმა მიტროპოლიტმა ჟურნალსტებთან განაცხადა, გიორგი მამალაძესთან მან სხვადასხვა თემაზე ისაუბრა. მეუფე დიმიტრის თქმით ის დეკანოზთან შეხვედრის დეტალებს პატრიარქს გააცნობს, რის შემდეგაც გადაწყვეტილებას მისი ზიარების შესახებ საპატრიარქოში მიიღებენ. მიტროპოლიტის თქმით ის დეკანოზ მამალაძის მაკურთხებელი მღვდელმთავარია და არა სულიერი მოძღვარი:

„პატრიარქს ვესაუბრე წამოსვლის დროს და მე მას შევხვდები და ვესაუბრები. ზიარებასთან დაკავშირებით მინდა მოგხსენოთ, ჩვენ ვისაუბრეთ ამ თემაზე, მას ყავს მოძღვარი, არაერთხელ გაჟღერდა რომ მე ვიყავი მისი სულიერი მოძღვარი. მას ჩემთვის არასდროს აღსარება არ ჩაუბარებია, მე ვარ მისი მაკურთხებელი მღვდელმთავარი. მისი მოძღვარი არის ბათუმში, რომელსაც შევხვდები, ჩამოვა, ვისაუბრებთ მის უწმინდესობასთან, იმიტომ რომ მისი ზიარების საკითხი განნიხილებოდა სინოდზე და მე უკვე გარკვეულწილად უძლური ვარ, იმიტომ რომ კრებსითი სახე მიიღო ამან ყველაფერმა, ალბათ გადავწყვეტთ, იმიტომ რომ ის დაჟინებით ითხოვს ამას.“- განაცხადა მიტროპოლიტმა.