"რაც შეიძლება მეტი „პანორამა თბილისი“ გვჭირდება."- კახა კალაძე

პოლიტიკა - 13:57, 25 Oct, 2017

1422

„პანორამა თნილისის“ საკითხს, რომლის მშენებლობაც არაერთი საპროტესტო აქციის მიზეზი გახდა, 24 ოქტომბერს ტელეკომპანია მაესტროს ეთერში, თბილისის მერის არჩევნებში გამარჯვებული კანდიდატი კახა კალაძე გამოეხმაურა. მისი თქმით მსგავსი პროექტები დედაქალაქს ბევრი სჭირდება, რომ მთავარი პრობლემის, უმუშევრობის საკითხის მოგვარებას შეწყოს ხელი:

„რაც შეიძლება მეტი „პანორამა თბილისი“ გვჭირდება. მეტი ასეთი მნიშვნელობის პროექტის განხორციელებაა ქალაქში საჭირო, რადგან ერთ-ერთი დიდი პრობლემა, ყველამ ვიცით, რომ ახალი სამუშაო ადგილებია. ასეთი მსხვილი პროექტების განხორციელება ქმნის სამუშაო ადგილებს, როგორც მშენებლობის პროცესში, ისე მშენებლობის დასრულების შემდეგ. ზუსტად ამას ეწინააღმდეგებოდა ნაციონალური მოძრაობა, სხვას არაფერს. მთლად ისეთი სულელებიც არ არიან, იციან, თუ რამდენად მნიშვნელოვანია ასეთი მასშტაბური პროექტების განხორციელება ქალაქისთვის, ქვეყნის ეკონომიკისთვის, ქვეყნის წინსვლისთვის და ამიტომ იყო ეს წინააღმდეგობა. არავის არაფერი გამოუვა, ჩვენ ყველაფერს გავაკეთებთ საიმისოდ, რომ ხელი შევუწყოთ ბიზნესს და ყველა ადამიანს, ვინც თითო აგურს დადებს ქალაქის განვითარებაში და ქვეყნის კეთილდღეობაში.” - განაცხადა კახა კალაძემ.