"კორუფცია, ნეპოტიზმი, ჩაწყობა, ეს არის ის სტანდარტი, რაც დაამკვიდრა „ქართულმა ოცნებამ" - ოპოზიცია ქუცნაშვილი-მეჭიაურის დაპირისპირებაზე

პოლიტიკა - 12:53, 25 Oct, 2017

2113

თამაზ მეჭიაურის და ზაქარია ქუცნაშვილის დაპირისპირებას ოპოზიცია „ქართულ ოცნებაში“ არსებული ნეპოტიზმის საჯარო აღიარებად აფასებს.

„ერთიანი ნაციონალური მოძრაობის“ წევრი გიორგი ბოტკოველი აღნიშნავს, რომ გუშინდელი ღია დაპირისპირებით კიდევ ერთხელ დადასტურდა „ქართულ ოცნების" კლანური მმართველობის არსებობა.

„ქართული ოცნება“ არის კლანური დაჯგუფებების ერთობა, რომელსაც დიდი ხანი არსებობა არ უწერია. ჩვენ რაცვნახეთ გუშინ ეს არის მაგალითი იმის, რომ ესენი საკუთარ თავებს არ იცავენ და საკუთარ თავებს არ ინდობენ დაერთმანეთს ასე უპირისპირდებიან და ხალხს რას უზამენ“-აცხადებს გიორგი ბოტკოველი.

„ევროპული საქართველოს“ წევრი გიორგი კანდელაკი აღნიშნავს, რომ ორივე მათგანმა აღიარებითი ჩვენება მისცა.

„ეს ხალხი არის სახე „ქართული ოცნებისა“ მათ ერთმანეთში რაღაც ვერ გაიყვეს, ეს არ არის საინტერესო საზოგადოებისთვის. ორივე მათგანმა მისცა ფაქტობრივად აღიარებითი ჩვენება გუშინ. კორუფციაც, ნეპოტიზმიც ჩაწყობაც, ეს არის ის სტანდარტი, რაც დაამკვიდრა „ქართულმა ოცნებამ.“ საქმე იმაშია, რომ მთელი „ქართული ოცნება“ ასეთია. ეს არის „ქართული ოცნების“ ცხოვრების წესი და შესაბამისად, რა თქმა უნდა მნიშვნელოვანია საზოგადოების რეაქცია ვამხილოთ , მაგრამ რამე რადიკალურ ნაბიჯებს თავიანთ წინააღმდეგ ქართული ოცნება არ გადადგავს სამწუხაროდ. “-განაცხადა „ევროპული საქართველოს“ წევრმა გიორგი კანდელაკმა.