,,სრული პოლიტიკური უფლება გვაქვს, რომ ეს გადაწყვეტილება შევაფასოთ, როგორც სერიოზული შეცდომა და ირიბი ხელშეწყობა ივანიშვილის გუნდისთვის დაინერგოს უიმედობა არჩევნების მიმართ’’ - გიგა ბოკერია.

ევროპული საქართველოს ლიდერის გიგა ბოკერიას კომენტარი თვითმმართველობის არჩევნებზე მეორე ტურის გამართვასათან დაკავშირებით

,,ეს გადაწყვეტილება არის სერიოზული შეცდომა. ჩვენ ყველას გვაქვს საფუძველი აღშფოთების იმ ინსტრუმენტების გამო, რასაც ოცნება იყენებს საარჩევნოდ და მთავარი ინსტრუმენტი მათი არის უიმედობის დანერგვა არჩევნების მიმართ. ჩვენი გადაწყვეტილებებით დემოკრატიულმა ოპოზიციამ არ უნდა შევუწყოთ მათ ხელი. ევროპული საქართველოს პოზიცია იყო და არის, რომ ჩვენ ვაპირებდით მხარდაჭერას ნებისმიერი პროდასავლური კანდიდატის მეორე ტურში თბილისში მათშორის, ვინც არ უნდა ყოფილიყო, მაგალითად ზალიკო უდუმაშვილი. გაუგებარია, როცა ყველა ამას ვაპირებდით, მათ შორის ნაციონალური მოძრაობაც, ქუთაისი რატომ უნდა იყოს გამონაკლისი, სადაც ოპოზიციამ მეტი ხმის შეგროვება-შენარჩუნება შეძლო. სამართლებრივად ეს ნაციონალური მოძრაობის გადასაწყვეტია და ამაში ვერავინ ჩაერევა, თუმცა მეორე ტურები მხოლოდ მათ არ მოუპოვებიათ - მთელმა ოპოზიციამ მოიპოვა,’’- განაცხადა გიგა ბოკერიამ.