გაზეთ ,,ქრონიკა +“-ის რედაქტორის ელისო კილაძის თქმით, ეგზიტპოლის შედეგებმა გარკევული გავლენა მოახდინა არჩევნების შედეგებზე და მან დემორალიზება გამოიწვია, როგორც ეს წინა წლებში ხდებოდა.

კილაძე ამბობს, რომ მაშინ როცა არჩევნებამდე ერთი კვირით კომპანიამ გამოაქვეყნა შედეგები და კალაძეს ჰქონდა 34% და არჩევნებზე მიმსვლელთა რაოდენობა 60% იყო, კომპანიის ობიექტურობა, მისი შეფასებით კითხვის ნიშნის ქვეშ დგება.

გადაცემის კიდევ ერთი სტუმარი მალხაზ გულაშვილი აცხადებს, რომ რუსთავი 2-ის ეგზიტპილის გამოცხადება მმართველი პარტიისთვის და ოპოზციისთვის შედეგები ცნობილი იყო. მისი თქმით, სოციოლოგიურმა სამსახურებმა რომლებმაც ეგ ეგზიტპოლი გააკეთა ინფორმირებული გახადეს ყველა. ,, ის რომ ,,იმედმა" რუსთავამდე არ გამოაქვეყნა ეგზიტპოლი ეს მხოლოდ ტექნოლოგიაა და ,,იმედს" შეეშინდა რომ მაშინდელივით არ მომხდარიყო ჯოხის მასზე გადატეხვა“ - განაცხადა გულაშვილმა.

გულაშვილის თქმით, მმართველმა პარტიამ იმედის ეგზიტპოლის შედეგები იცოდა. ,,თქმით, რუსთავი 2-ს დაასწრო პროცესებს როგორც ლიდერმა ტელევიზიამ და გამოაქვეყნა შედეგები“ - განაცხადა გულაშვილმა, თუმცა მანვე პასუხი არ გასცა ელისო კილაძის კითხვას, საიდან იცოდა ხელისუფლებამ წინასწარ ,,იმედის“ ეგზიტპოლები.

კილაძის თქმით, იმედის ეგზიტპოლების მიხედვით, კახა კალაძემ იცოდა, რომ მას 50%-იანი ბარიერი არ ჰქონდა გადალახული.