ლარი ორ დღეში ორი თეთრით გაუფასურდა. საქართველოს ეროვნული ბანკის მონაცემებით, ერთი დოლარის ღირებულება 2.52 ლარია, ერთი ევროს კი 2.94 ლარი. კომერციულ ბანკებსა და ვალუტის გადამცვლელ ჯიხურებში აღნიშნული მაჩვენებელი გაცილებით მაღალია.

ექსპერტები და პოლიტიკოსები აღნიშნულ პროცესს აფასებენ. მმართველი გუნდი განმარტებებს ეროვნული ბანკისგან ითხოვს.

„სამწუხაროდ ამაზე მიბმულია ტარიფების ზრდაც, რაც ცუდად დააწვება ჩვენს მოსახლეობას, სამწუხაროდ ამაზე მიბმულია პროდუქტების ფასები, ეს ყველაფერი მთლიანობაში ამძიმებს კიდევ უფრო დამძიმებულ ყოველდღიურობას ჩვენი მოქალაქეებისას, მთავარი მიზეზი ყოველივე ამისა არის ჩვენი მთავრობა“, - აცხადებენ „ერთიანი ნაციონალური მოძრაობის“ რიგებში.