კახეთში, საგარეჯოს რაიონის სოფელ ქეშალოში 30 წლამდე ასაკის მამაკაცი მოკლეს. როგორც ცნობილია მაჯით მამედოვს სასიკვდილო ჭრილობა დანით თანასოფლელმა მიაყენა. გარდაცვლილის თანასოფლელების განცხადებით, მკვლელობა ფულის გამო მოხდა.

მათი თქმით, მხარეებს შორის დაპირისპირება მას შემდეგ დაიწყო, რაც მამედოვმა მოვალისგან თანხა მოითხოვა, უარის მიღების შემდეგ კი, ფასიანი ნივთების წამოღება სცადა.

მოკლულის ცხედარი ექსპერტიზაზე გადაასვენეს. შინაგან საქმეთა სამინისტროს ინფორმაციით, საქმეზე გამოძიება განზრახ მკვლელობის მუხლით დაიწყო.