არჩევნებში დამარცხებული გორის გამგებელი პირველ კომენტარს აკეთებს

პოლიტიკა - 12:58, 23 Oct, 2017

4876

“შენების მოძრაობის“ გორის მერობის კანდიდატი დავით ონიაშვილი ადგილობრივი თვითმმართველობის არჩვენებეში დამარცხების შემდეგ პირველ კომენტარს აკეთებს.

„ნიუპოსტის“ კორესპონდნეტის ცნობით, გორის მუნიციპალიტეტის ჯერ კიდევ მოქმედი გამაგებელი ამბობს, რომ პატივს სცემს ამომრჩევლის გადაწყვეტილებას და არ საუბრობს მიზეზებზე რის გამოც, მისი აზრით, არჩევნებში ვერ გაიმარჯვა. „ყოველთვის პატივს ვცემ ხალხის გადაწყვეტილებას და სწორედ ეს მოხდა არჩევნებზე, ნდობა ვისაც გამოუცხადა ხალხმა, მეც ამ გადაწყვეტილებას ვცემ პატივს.“-აცხადებს ონიაშვილი.

დავით ონიაშვილი გორში ერთ-ერთ ძლიერ კანდიდატად მოაზრებოდა და მასსა და მმართველი გუნდის წარმომადგენელს, კონსტანტინე თავზარაშვილს შორის მეორე ტურის გამართვასაც პროგნოზირებდნენ. თუმცა, თვითმმართველობის არჩევნებზე სულ სხვა შედეგი დადგა და „ქართული ოცნება დემოკრატიული საქართელოს“ გორის მერობის კანდიდატმა, რომელიც ჯერ კიდევ, საკრებულოს მოქმედი თავმჯდომარეა, პირველივე ტურში, ამომრჩევლის ხმების 54. 54 %-ით გაიმარჯვა. მეორე ადგილი „ერთიანი ნაციონალური მოძრაობის“ კანდიდატმა, რევაზ კახნიაშვილმა აიღო, მას ამომრჩევლის ხმების 15.89 % ერგო. დავით ონიაშვილს კი, 11.68 % დაუჭირა მხარი.