"სახელისუფლებო პარტიამ სრულად გამოიყენა ადმინისტრაციული რესურსი

"სახელისუფლებო პარტიამ სრულად გამოიყენა ადმინისტრაციული რესურსი - დავით ბაქრაძე

პოლიტიკა - 15:44, 22 Oct, 2017

1097

„ევროპული საქართველოს“ ლიდერმა სპეციალურ ბრიფინგზე თვითმმართველობის არჩევნებზე მიღებული შედეგები კიდევ ერთხელ შეაფასა.

დავით ბაქარძის შეფასებით, რომ არ ყოფილიყო სახელისუფლებო პარტიის მხრიდან ადმინისტრაციული რესურსის ფართომასშტაბიანი გამოყენება, რომ არ ყოფილიყო ზეწოლა და ამომრჩევლის მოსყიდვა, შედეგი განსხვავებული იქნებოდა.

ბაქრაძის შეფასებით, “ახლადშექმნილი პარტიისთვის 11%- ის მიღება ძალიან კარგი შედეგია.

"ჩვენი მიზანია უკეთესი საქართველოსთვის ბრძოლა"- ამბობს ბაქრაზე.

„ ჩვენ ვიხილეთ სახელისუფლებო პარტია, რომელმაც სრულად გამოიყენა ადმინისტრაციული რესურსის ყველა არსებული ფორმა. რა თქმა უნდა, ჩვენ პატივს ვცემთ თითოეული ადამიანის არჩევანს ამ ქვეყანაში, პატივს ვცემთ მათ შორის იმ ადამიანების არჩევანსაც, ვინც მხარი გულწრფელად დაუჭირა „ქართულ ოცნებას“ და ასეთი ადამიანები საქართველოში ნამდვილად არიან, მაგრამ რომ არ ყოფილიყო ფართომასშტაბიანი გამოყენება ადმინისტრაციული რესურსის, რომ არ ყოფილიყო ზეწოლა, ამომრჩევლის მოსყიდვა და თანხის დარიგება, რომ არ ყოფილიყო ადამიანების დაშინება და შანტაჟი, შედეგი, რომელიც ვიხილეთ გუშინ, ასეთი ფორმით და ასეთი რიცხვებით ნამდვილად არ დადგებოდა. ეს მაძლევს იმის თქმის საფუძველს, რომ არჩევნების შედეგი არის მძიმე და სამწუხაროდ, ეს არჩევნები ვერ გახდება წინგადადგმული ნაბიჯი ქართული დემოკრატიის განვითარებისთვის.
ამავე დროს ეს არჩევნები გვასწავლის იმას, რომ წამალი და გამოსავალი საქართველოსთვის არის მეტი ადამიანის მოსვლა არჩევნებზე. რაც უფრო მეტი ადამიანი მოვა მომავალ არჩევნებზე, მით უფრო გაუძნელდება ხელისუფლებას არჩევნების გაყალბება. ამიტომ გამოსავალი არ არის ხელების ჩამოყრა, გამოსავალი არ არის გულის მოფხანა და კრიტიკული გამოსვლები, გამოსავალი ერთია – ყველა ოპოზიციურმა პარტიამ გავაძლიეროთ მუშაობა, გავაძლიეროთ ხალხთან მუშაობა, მეტი ვიაროთ, მეტი ვიმუშაოთ, მეტი ადამიანი გამოვიყვანოთ მომავალ არჩევნებზე და ყველამ ერთად, ჩვენს ამომრჩევლებთან ერთად ქართველ ხალხთან ერთად დავიცვათ მომავალი არჩევნები მსგავსი ტიპის ადმინისტრაციული ზეწოლისგან.

მიუხედავად იმისა, რომ ეს არის პირველი არჩევნები „ევროპული საქართველოსთვის“ და ეს არის არჩევნები, როდესაც პირველად ათობით ათასმა ადამიანმა პირველად შემოხზა რიცხვი 2, მიუხედავად იმისა, რომ პარტია შედგა, პირველ არჩევნებზე პირველი ნაბიჯი გადავდგით წინ, მიუხედავად იმისა, რომ 11% ავიღეთ, რაც სერიოზული შედეგია, მთელ რიგ მუნიციპალიტეტებში ჩვენ ვართ გასული მეორე ადგილზე „ქართული ოცნების“ შემდეგ. მაგალთად, გურჯაანში, მარნეულში, ახალციხეში, ადიგენში, თერჯოლაში, ვანში, ხონში, ცაგერში, ლანჩხუთში, ხობში... ყველას აღარ ჩამოვთვლი, მიუხედავად ამ შედეგისა, ჩვენი ამოცანა არ არის ვიყოთ 11%–იანი ან თუნდაც 15 %–იანი პარტია, ჩვენი ამოცანაა, ვიბრძოლოთ ქვეყანაში დემოკრატიის განვითარებისთვის, ცხოვრების უკეთესობისკენ შეცვლისთვის და თითოეულ ჩვენს მხარდამჭერთად ერთად საპარლამენტო არჩევნებში შევცვალოთ ხელისუფლება, სახლში გავუშვათ „ქართული ოცნება“ და რაც მთავარია მოვაგვაროთ ყველა ის პრობლემა, რაც აწუხებს ჩვენს ხალხს.
„ევროპული საქართველო“ მომავალს და მომავლის გზას ხედავს ბრძოლის გაგრძელებაში, მეტ მუშაობაში, მეტი ადამიანის გამოყვანაში მომავალ არჩევნებში და რაც მთავარია, ადამიანებს უნდა დავანახოთ უკეთესი ალტერნატივა დღევანდელი ცხოვრების და „ქართული ოცნების“, – განაცხადა დავით ბაქრაძემ.