"ადმინისტრაციული რესურსის შესაძლო გამოყენება, ინციდენტები საარჩევნო უბნებზე და მუნიციპალიტეტების დეცენტრალიზაცია"- რა შენიშვნები აქვს ევროსაბჭოს წარმომადგენელს

პოლიტიკა - 15:30, 22 Oct, 2017

1510

ევროსაბჭოს წარმომადგენელის სტიუარტ დიქსონის თქმით, არჩევნებმა ძირითადად მშვიდ ვითარებაში ჩაიარა თუმცა იყო რიგ უბნებზე დაბნეულობის შემთხვევები.

"ჩვენ მოგვახსენეს, რომ სამოქალაქო საზოგადოების წარმომადგენლებს ჰქონდათ ინცინდენტები გარკვეულ უბნებზე. აღსანიშნავია, რომ საარჩევნო გარემოს ხელშესაწყობად შესაბამისი საკანონმდებლო ჩარჩო არსებობს და კანონი ამჟამად შესაძლებლობას აძლევს ამომრჩეველს რომლებიც დროებით ან მუდმივ მისამართზე არიან რეგისტრირებულნი ხმა მისცენ ადგილობრივ არჩევნებში. აქ ჩვენ გვინდა მინიშნება გავაკეთოთ კონგრესის შესაბამის რეკომენდაციაზე ეს არის 369-ე რეკომენდაცია 2015 წლის თარიღით, რომელიც მხოლოდ იმ ამომრჩეველს აძლევს საარჩევნო ხმის მიცემის საშუალებას, რომლებიც არიან მუდმივად რეგისტრირებულნი კონკრეტულ მუნიციპალიტეტში. ჩვენ უნდა აღვნიშნოთ, რომ ძალიან კარგად იყო მოწესრიგებული ამომრჩეველთა სია და სიზუსტე. ჩვენ ასევე მივიღეთ შეტყობინებები საჯარო რესურსების არამიზნობრივ გამოყენების შესახებ. არ არის მარტივი ამგვარი ბრალდებების დასაბუთება, რამდენიმე მათგანი სასამართლოშიც კი დაიწერა სარჩელი. ზოგადად ამ საკითხზე კონგრესი მუშაობს, ეს პრობლემა მარტო საქართველოში არ დგას . ვამზადებთ სახელმძღვანელოს ადგილობრივი წარმომადგენლებისთვის, ველით თანამშრომლობას ქართულ მხარესთან"- თქვა მან.

მისი თქმით მუნიციპალიტეტის დეცენტრალიზაცია პრობლემას წარმოადგენს.