ბრიტანელი ჟურნალისტი ჯოზეფ ალექსანდერ სმიტი თბილისის თვითმართველობის არჩევნებში საბურთალოს მე-5 ოლქში მაჟორიტარ კანდიდატად იყრიდა კენჭს. დამოუკიდებელი კანდიდატი ხმების რაოდენობით (14.04%) მესამე ადგილზე გავიდა, თუმცა გაუსწრო „ევროპული საქართველოს“, „პატრიოტთა ალიანსის“ „დიმიტრი ლორთქიფანიძე, კახა კუკავა-დემოკრატიული მოძრაობა-თავისუფალი საქართველოს“ „საქართველოს ლეიბორისტული პარტიის“ კანდიდატებს. მეორე ადგილზე გასულმა ნაციონალური მოძრაობის კანდიდატმა კი მას მხოლოდ 241 ხმით აჯობა.

ჯოზეფ ალექსანდერ სმიტი არჩევნების შედეგებს ფეისბუკზე გამოეხმაურა:

„პირველ რიგში, დიდი მადლობა მინდა გადავუხადო ყველა მხარდამჭერს, ყველა მოხალისეს და ყველა მეგობარს გვერდში დგომისთვის და მადლობა ყველა ამომრჩეველს თქვენი ხმებისთვის.

ჩემი აზრით, დავდეთ სერიოზული შედეგი - მესამე ადგილი სულაც არ არის სამარცხვინო შედეგი იმის გათვალისწინებით, რომ 2 თვის წინ, თითქმის უცნობი სახე ვიყავი და ფინანსური რესურსი ძალზე მწირი იყო (სულ 1800 ლარი სექტემბერში). ვერ დავიმსახურე საბურთალოს მაჟორიტარობა, თუმცა ვფიქრობ რომ, მართლა დავიმსახურე ადგილი მუნიციპალურ პოლიტიკაში და ეს მხოლოდ დასასწყისია. ბატონ დავითს ვულოცავ გამარჯვებას და ვუსურვებ წარმატებას.

წინასაარჩევნო კამპანიის ფარგლებში ახალი ბებიები, ბაბუები, ძმები, დეიდები, ბიძაშვილები და მეგობრები შევიძინე. მიმიღეს მათ ოჯახებში, პირადად გამაცნეს მათი პრობლემები და ვვფიქრობ, რომ საფუძველი ჩავუყარეთ ერთობლივ მუშაობას ამ პრობლემების მოსაგვარებლად. არ გავექცევი საბურთალოს - დღესვე შევუგდები ჩვენს გარემოზე ზრუნვის საქმეს - საარჩევნო პოსტერების მოხსნით - და დარწმუნებული ვარ, რომ ყველაფერი წინ გვაქვს. #წავიდეთწინ.“- წერს ჯოზეფ ალექსანდერ სმიტი ფეისბუკზე.