„სეთურის ნახირი იყო ვინც ივანიშვილის რეჟიმი შემოხაზა, ბანკირ-ოლიგარქთა რეჟიმი ნებაყოფლობით უარს არ იტყვის ძალაუფლებაზე“- ნათელაშვილი

პოლიტიკა - 13:50, 22 Oct, 2017

10014

„ლეიბორისტების“ ლიდერის განცხადებით ივანიშვილის რეჟიმმა ადგილობრივი თვითმმართველობის სისტემის ანექსია მოახდინა. როგორც შალვა ნათელაშვილმა დღეს ლიდერთა საბჭოს მიერ გამართულ საგანგებო ბრიფინგზე განაცხადა ბანკირ-ოლიგარქთა რეჟიმი ძალაუფლებაზე უარს თავისი ნებით არ იტყვის:

„მე მინდა მოვუწოდო ჩვენს ხალხს, გული არ გაიტეხოთ და იმედი არ დაკარგოთ, რადგან დამარცხება იწყება არა არჩევნების გაყალბების შემდეგ არამედ იმედის დაკარგვიდან და გულგატეხილობიდან. არჩევნები მთლიანად გაყალბდა, ივანიშვილის რეჟიმმა არ იკმარა პარლამენტის, სასამართლო ხელისუფლების, მთავრობის, კონსტიტუციის, ეკონომიკის, ეროვვნული სიმდიდრეების, ჩვენი ძირითადი უფლებების მითვისება და უზურპაცია, დღეს მთლიანად გაუკეთა ანექსია ადგილობრივი თვითმმართველობის სისტემას. წინ გველოდება ძალიან დიდი ბრძოლა, ბანკირ-ოლიგარქთა რეჟიმი არასოდეს ნებაყოფლობით უარს არ იტყვის იმ ტკბილ ძალაუფლებაზე, რომელიც ამგვარი უზნეობით იქნა მათ ხელში თავმოყრილი. ჩვენ პირველ რიგში საკუთარ თავთან უნდა გავაკეთოთ რეფერენდუმი და ვკითხოთ საკუთარ მეს, გვინდა ვიყოთ საზოგადოება თუ გვინდა ვიყოთ სეთურის ნახირი. სეთურის ნახირი იყო გუშინ, ვინც მივიდა და ივანიშვილის რეჟიმი შემოხაზა. მე მათ სხვას ვერაფერს ვერ ვუწოდებ. ვინც ოპოზიციას დაუჭირა მხარი, ვინც კიდევ ვერ გამოვიდა სახლიდან რა თქმა უნდა ის ჩვენი საზოგადოების ოქროს ფონდია, მაგრამ თუ ოქროც უძრავად დევს ისიც ჟანგდება“- განაცხადა შალვა ნათელაშვილმა.