"არჩევნების მასიურად გაყალბების გამო საარჩევნო უბნებზე ოქმები ვერ ბალანსდება"- ნინო ბურჯანაძე

პოლიტიკა - 00:16, 22 Oct, 2017

1379

"დემოკრატიული მოძრაობის" ლიდერის თქმით არჩევნების მასიურ გაყალბებას ჰქონდა ადგილი, რის გამოც რამდენიმე გამონაკლისის გარდა საარჩევნო უბნებზე ოქმები ვერ ბალანსდება. ეს განცხადება ნინო ბურჯანაძემ ცოტა ხნის გააკეთა.

,,მინდა გითხრათ, რომ ეს არის ქართული ოცნების ბოლო არჩევნები, შემდგომ არჩევნებს ისინი ვერ ჩაატარებენ ისე როგორც მათ უნდათ, ეს მათი ბოლო გამარჯვებაა. რაც შეეხება საარჩევნო შედეგებს, არ მგონია ვინმე იყოს საქართველოში ჭკუათმყოფელი ვისაც ჯროს რომ ბოკერიას პარტიამ მიღო 9-10 პროცენტი და სხვა დანარჩენმა 3 პროცენტი. ოცნება ცდილობს თავისი უუნარო ხელისუფლება გააცოცხლოს, ვიცით კარგად ვის გვერდითაც ბოკერია დგება, როგორ ამთავრებს ხოლმე და ოცნებაც ასე დაამთავრებს.

საარჩევნო პროცესის დროს უკევ გამოვლინდა სერიოზული დარღვევები, რომ აღარაფერი ვთქვათ დაშინებაზე და კონტროლზე, ის რომ კარუსელები ატარეს და ჩვენდა სამარცხვინოდ ჩვენი მოსახლეობის ნაწილი 15-20 ლარზე იყიდება და ამას გამართლება არ ქვს, როცა შენი შვილების მომავალს ყიდი.

ყველა ის ხმა, რომელიც ჩენ დაგვაკელით არმოსვლით და ნიჰილიზმით წავიდა ოცნების და ბოკერიას ყულაბაში.

ცესკო დააგვიანებს პირველადი შედეგების გამოქვეყნებას და ოქმების გამოქვეყნებას. ზუსტად ვიცით, რომ თითქმის ყველა უბანზე თბილისში ოქმები არ ბალანსდება, ყველგან პრობლემაა, რადგან არჩევნები იმდენად გაყალბდა და მანიპულაციებით ჩატარდა, რომ ოქმების დაბალანსება შეუძლებელი ხდება“ - განაცხადა ნინო ბურჯანაძემ.

მანვე საქართველოს მასშტაბით რამდენიმე უბანი დაასახელა, სადაც მისი თქმით, ხელისუფლების მხრიდან მათ კანდიდატებზე ზეწოლას ჰქონდა ადგილი. მათ შორის რამდენიმე ქალაქში ადგილი ჰქონდა ელექტროენერგიის გათიშვას, რის გამოც ხმების დათვლა უშუქობაში უწევთ.

ბურჯანაძე ამბობს, რომ ეს ის უბნებია, სადაც მათი კანდიდატები ლიდერობენ.

მისი თქმით, უბნის ჩაშლის მცდელობას ჰქონდა ადგილი სამტრედიის მე-18 უბანზე, სადაც ,,დემოკრატიული მოძრაობის“ კანდიდატი ლიდერობს.

,,ჩვენ ვიცით, რომ მოვიგეთ ეს უბანი, ხელისუფლების წარმომადგენლებს უნდოდათ უბნის ჩაშლა, დავრეკე საპატრულო პოლიციაში და მოვითხოვე სასწრაფოდ პოლიციის ეკიპაჟის მისვლა და უნდა ვთქვა, რომ პოლიციის მხრიდან, მას შემდეგ რაც ეს ინფორმაცია ფეისბუქზე დაიდო, მე დამიკავშრდა ჯერ საპატრულო პოლიციის წარმომადგენელი, შემდეგ პოლიციის უფროსი, შემდეგ კომუნიკაცია შედგა ჩვენს წარმომადგენელსა და პოლიციელებს შორის და ამჯერად ვითარება უბანზე სტაბილურია და იმედი მაქვს, რომ ექსესებს ადგილი არ ექნება“ - განაცხადა ნინო ბურჯანაძემ.