ოპოზიციური პარტიების „ლიდერთა საბჭო“-მ საგანგებო ბრიფინგი გამართა, რომლის ფარგლებშიც პარტიების ლიდერებმა არცევნების მიმდინარეობისას არსებულ დარღვევებზე ისაუბრეს. მათ ასევე მოუწოდეს მოსახლეობას მაქსიმალური აქტიურობისკენ.

გიორგი ვაშაძემ ვაკეში, ერთ-ერთ საარჩევნო უბანზე არსებულ დარღვევაზე ისაუბრა:

„იმედი მაქვს, რომ დღევანდელ დღეს სწორი არჩევანი იქნება გაკეთებული, მთავარი მართლაც არის აქტივობა, რაც მეტი ამომრჩეველი მოვა არჩევნებზე, ეს ნიშნავს იმას, რომ უფრო მეტი შანსია დავიწყოთ სწორი, კარგი განვითარება და შევცვალოთ ის მოჯადოებული წრე, სადაც ვიმყოფებით ამ გაჭირვების დროს. რაც შეეხება საარჩევნო დარღვევებს, უბანზე, სადაც მივეცი ხმა, სამწუხაროდ იქ ორი ფაქტი ხმის მიცემის დროს აღმოჩნდა, საუბნო საარჩევნო კომისია არ ეხმარება ამომრჩეველს მოძებნოს საკუთარი თავი სიაში. ყველა უბანზე არსებობს სპეციალური მოწყობილობა, სადაც პირადობა შეჰყავს კომისიის წევრს და შეუძლია უთხრას ამომრჩეველს თუ სად არის მისი საარჩევნო უბანი. ტელევიზიების თანხლებით ჩემი მითითების მიუხედავად, წინააღმდეგობას გვიწევდნენ, როგორც ჩანს დავალებაა რომ რაც შეიძლება მეტად აურიონ ამომრჩეველს გზა. მოცუწოდებ ცესკოს, რაც შეიძლება სწრაფად გასცეს ინსტრუქცია და უთხრან, რომ კანინით მათი ვალდებულებაა“, - განაცხადა გიორგი ვაშაძემ.