ოპოზიციური პარტიების „ლიდერთა საბჭო“-მ საგანგებო ბრიფინგი გამართა, რომლის ფარგლებშიც პარტიების ლიდერებმა არცევნების მიმდინარეობისას არსებულ დარღვევებზე ისაუბრეს. მათ ასევე მოუწოდეს მოსახლეობას მაქსიმალური აქტიურობისკენ:

„ჩვენ დღეს გვაერთიანებს ყველაზე მნიშვნელოვანი, ჩვენი ხალხის, ჩვენი ქვეყნის, ჩვენი სახელმწიფოს ინტერესი, დღეს ის დღეა როდესაც ძალაუფლება გადაეცემა ხოლმე ხალხს და ქართველმა ხალხმა უნდა განსაზღვროს ის თუ როგორი იქნება ხვალინდელი დღე თვითმმართველობის ორგანოებში. ამიტომ, მიუხედავად იმისა, რომ დღეს ჩვენ ვართ კონკურენტები, გვაქვს ჩვენი გეგმები და ამოცანები ამ არჩევნებში, გვაქვს უზენაესი ამოცანა, ქვეყანაში იყოს სამართლიანი არჩევნები, მოქალაქეებს ჰქონდეთ თავიანთი პოლიტიკური ნების თავისუფალი გამოვლინების საშუალება და ეს უნდა იყოს ყველა პოლიტიკოსის უზენაესი მიზანი, ოპოზიციაში მყოფი პოლიტიკოსისაც და ხელისუფლებაში მყოფი პოლიტიკოსისაც. სამწუხაროდ ამას ჩვენ ჯერ ვერ მივაღწიეთ და ამიტომ არის ჩვენი სახელმწიფო ნაკლული. სახელისუფლებო ბერკეტის გამოყენება არასწორი გზით, საკუთარი ძალაუფლების შესანარჩუნებლად თუ გასამყარებლად, ეს არის პოლიტიკური ქურდობა. მე ვისურვებდი, რომ უახლოეს არჩევნებზე, ყველა პოლიტიკური პარტიის ლიდერი იდგეს ერთად და ერთად ვიბრძოდეთ სამართლიანი და ტავისუფალი არჩევნებისთვის. დღეს ყველამ უნდა მოვძებნოთ დრო, რწმენა რაც არ უნდა იმედგაცრუებულები ვიყოთ და მივიდეთ არჩევნებზე, ამ წუთისათვის, ჩვენი მონაცემებით, აქტივობა არის დაბალი, რაც არის სახელისუფლებო ამოცანა. ამიტომ, ყველა უნდა მივიდეთ არჩევნებზე და გავაკეთოთ საკუთარი არჩევანი, დანარჩენს დღის ბოლოს გვიჩვენებს ის ვითარება, რაც იქნება უბნებზე. ვისურვებდი, რომ ჩვენ ნაკლები საფუძველი გქვონდეს პრეტენზიისა და საჩივრის. თუმცა, მეეჭვება“, - განაცხადა დავით უსუფაშვილმა.