თვითმმართველობის არჩევნები - „ქართული ოცნების“ ოფისში არჩილ თალაკვაძემ ბრიფინგი გამართა:

„არჩევნები მშვიდ და დემოკრატიულ ვითარებაში მიმდინარეობს, ჩვენი მხარდამჭერები აქტიურობენ, დიდი მადლობა, ჩვენ გვაქვს ძალიან დიდი მხარდაჭერა და აუცილებელია, საჭიროა, რომ თითოეული ჩვენი მხარდამჭერი მივიდეს დღეს საარჩევნო ყუთთან და დააფიქსიროს საკუთარი არჩევანი. ეს არის იმის გარანტია, რომ მომავალი განვითარება იქნება უფრო სწრაფი, დინამიური და ჩვენ გვექნება მეტი კეთილდღეობა ოჯახებში და ქვეყანაში.

არჩევნებს აკვირდებიან სადამკვირვებლო ორგანიზაციები, მონაწილეობა და კონკურენცია საკმაოდ მაღალია, საარჩევნო პროცესი თავისუფლა, მშვიდ, დემოკრატიულ პირობებში ტარდება.

ჯერჯერობით დარღვევებტან დაკავშრებით ჩვენ არ გვაქვს განსაკუთრებულად საინტერესო მონაცემები, დილის რვა საათიდან ყველა უბანი გახსნილია, საარჩევნო ადმინისტრაციამ გააკეთა ყველაფერი, რომ საარჩევნო პროცესი კარგად ყოფილიყო ორგანიზებულია.

რამე ზეწოლა ჩვენი მხრიდან გამორიცხულია, ჩვენს ინტერესებში არ შედის რაიმე ტიპის ზეწოლა ამომრჩეველზე, ჩვენი ერთადერთი მიზანი არის, რომ ჩვენი მხარდაჭერა საარჩევნო უბნებზე დაფიქსირდეს. ერთეული ინციდენტები რომელიც შესაძლოა რომელიმე უბანზე გამოჩნდეს, იქნება სათანადო რეაგირების საგანი, ქართული ოცნება წინასაარჩევნო პერიოდში აკეთებდა ყველაფერს და ახლაც გააკეთებს ყველაფერს, რომ არცევნები ცატარდეს მშვიდ და დემოკრატიულ ვითარებაში“, - განაცხადა არჩილ თალაკვაძემ.