„ერთიანი ნაციონალური მოძრაობა“ მესამე ოლქში 35-ე საუბნო საარჩევნო კომისიის თავმჯდომარეს საარჩევნო კოდექსის დარღვევაში ადანაშაულებს.

„საბურთალოს 03 ოლქში, 35 საუბნო საარჩევნო კომისიის თავმჯდომარემ, ხათუნა იაკობაშვილმა, უხეშად დაარღვია საარჩევნო კოდექსი.

კერძოდ, წილისყრის პროცედურა, რომელიც საარჩევნო კოდექსით მკაცრად არის განსაზღვრული და ტარდება მხოლოდ არჩევნების დღეს, დილის 7:00 დან 8:00 საათამდე დროის მონაკვეთში, ჩაატარა წინასწარ, 20 ოქტომბერს 17:55 საათზე. სადაც, ყოველგვარი ოფიციალური პროცედურების გარეშე, წილისყრის პროცედურის გვერდის ავლით, კომისიის წევრებს ერთპიროვნულად, უკანონოდ განუსაზღვრა ფუნქცია მოვალეობები, რითაც უხეშად დაარღვია საარჩევნო კოდექსის 61-62 მუხლი.

საბურთალოს 03 ოლქში, 35-ე უბანში არჩევნები უკვე გაყალბდა!“, - ნათქვამია ენმ-ის განცხადებაში.