სოფელ ყიზილაჯლოში „ქართული ოცნების“ შტაბთან მომხდარი თავდასხმის დროს დაჭრილი ორი პირის მდგომარეობა ამ დრომდე მძიმეა. დაჭრილებს გადაუდებელი ოპერაცია მარნეულის საავადმყოფოში ჩაუტარეს. ისინი მკურნალობას ინტენსიური თერაპიის განყოფილებაში გადიან.

შემთხვევის დროს დაჭრილ კიდევ სამ პირს კი, მსუბუქი დაზიანებები აღენიშნებათ. მათგან ერთმა სტაციონარი უკვე დატოვა.

მარნეულში ჩავიდა ჯანდაცვის მინისტრი. დავით სერგეენკომ თავდასხმის შედეგად დაჭრილები მოინახულა და მედიკოსებისგან მათი ჯანმრთელობის შესახებ ინფრომაცია მოისმინა.