მსახიობი თინა მახარაძე სოციალური ქსელის პირად გვერდზე საზოგადოებას მის მეგობარ მაიკს აცნობს:

„გადავჭრი ხოლმე სახლთან ქუჩას, სკოლამდე ან სკოლის შემდეგ. მხვდება კარში, მიცინის მთელი ტანით.

ვეტყვი ხოლმე, - Man, I'm starving, feed me, please.

- მოდი, ჩემო გოგო, - მეტყვის - რა გინდა, რა გაჭამო.

ვიცი, ბიზონი რომ ვუთხრა, ბიზონსაც გამიჩენს, მაგრამ ვეუბნები - ჩემი აპეტაიზერით დავიწყებ. და მოაქვს დარიჩინიანი მსხალი ნაღებით და მწვანე ჩაი.

და მერე ამატებს და ამტებს ხან რას და ხან რას თავისი soul kitchenიდან.

- დღეს გეფლირტავო, ხარ ხასიათზე? - მეკითხება.

ხან ვარ და ხან - არა.

"ჩაის" რომ ვუტოვებ, ხელებს იჯვარედინებს გულთან, არ მინდა ეგ შენი ფული, კიდევ მალე მოდიო - ამბობს.

გამოსვლისას კართან მაჩერებს, მხარზე ხელს მხვევს და თავისი ხრინწიანი დაბალი ხმით მეუბნება - Come by, ma girl, I have some spicy rum for you.

That's Mike, ma man“, - წერს თინა მახარაძე.