არათანაბარი საარჩევნო გარემო და ადმინისტრაციული რესურსის გამოყენება - არასაპარლამენტო ოპოზიცია NDI-ის წარმომადგენლებს შეხვდება

პოლიტიკა - 09:30, 18 Oct, 2017

1093

NDI-ის წარმომადგენლები დღეს არასაპარლამენტო პარტიების წარმომადგენლებს შეხვდებიან. უკვე ცნობილია ის საკითხები რაზეც ოპოზიცია შეხვედრისას ყურადღებას გაამახვილებს.

ხელისუფლების ოპონენდები არათანაბარ საარჩევნო გარემოზე და კონკრეტულ მაგალითებზე ისაუბრებენ.

ოპოზიციის მხრიდან ხელისუფლების მხრიდან ადმინისტრაციული რესურსების გამოყენებასთან ერთად აქცენტი დებატებში მონაწილეობის შეზღუდვაზე კეთდება.

“როდესაც დებატები ტარდება კანდიდატებს შორის, მაშინ ყველა კვალიფიციური სუბიექტის წარმომადგენელი თანაბრად და არადისკრიმინაციულად უნდა მონაწილეობდეს ამ დებატებში. სამწუხაროდ ეს პუნქტი ირღვევა ორი წამყვანი ტელემედია საშუალების მიერ, არაერთხელ და ძალიან უხეშად. ჩვენ ამაზე ვილაპარაკებთ,“-განაცხადა „შენების მოძრაობის“ ლიდერმა დავით უსუფაშვილმა.

დღევანდელ შეხვედრაზე ყურადღება გამახვილდება ოპოზიციისთვის წინასაარჩევნო კამპანიის ხელის შეშლაზეც.

„ცალსახად იყენებს ხელისუფლება ადმინისტრაციულ რესურსს, დადასტურებულია ესეც დოკუმენტირებულად და სადაც ბაღის მასწავლებლები ჩართული არიან ხმების შეგროვების პროცესში და სამწუხაროდ ხელისუფლება სირაქლემას პოზიციაშია და ის არ ახდენს სათანადო რეაგირებას აღნიშნულ ფაქტებზე,“-აცხადებს „რესპუბლიკური პარტიის" წევრი თამარ კორძაია.