"კარგია, დროზე მივხვდი, მერე არ მექნება საბოდიშო"- ნატა ფერაძე ელისაშვილს მხარს აღარ უჭერს

სოც.მედია - 19:38, 17 Oct, 2017

6265

„პარტიზანი მებაღეების“ ხელმღვანელი ნატა ფერაძე, რომელიც თბილისის მერობის დამოოუკიდებელი კანდიდატის ალეკო ელისაშვილის აქტიურ მხარდამჭერად მოიაზრებოდა, აცხადებს, რომ ელისაშვილის ქმედებებმა და გამონათქვამებმა საკუთარ არჩევანში დააეჭვა:

„აი ხომ უნდა მოახერხო, ასეთი მოტივირებული ამომრჩეველი ბოლო კვირას გადაუწყვეტელად მაქციო?

კარგია, დროზე მივხვდი, მერე არ მექნება საბოდიშო, რომ საქმის არმცოდნე პოპულისტს ვუჭერდი მხარს.

პოლიტიკა კი არასოდესაა იდეალური და ყველასთვის მოსაწონი, ყველა აუცილებლად არჩევნებზე, ხმა ვინმეს, მაგრამ არა ოცნებას!

სახლში დარჩენა - კალაძის ხმებია.

წინააღმდეგ შემთხვევაში ყველა ქალაქის საბოლოო მოკვლის თანამონაწილე ვიქნებით“- ნატა ფერაძე.

შეგახსენებთ, ჯერ კიდევ ივლისის თვეში ნატა ფერაძე თავისთავს ალეკო ელისაშვილის მხარდამჭერად მოიხსენიებდა:

“ამ არჩევნებზე პირველად ვარ ასე, გულით ჩართული, არ მიწევს ორჭოფობა და გამონაკლისის მეთოდით არჩევანის გაკეთება უარესებში უკეთესისა. მე ვარ ალეკო ელისაშვილის მხარდამჭერი, თან მხურვალე მხარდამჭერი და ვთვლი, რომ ეს იქნება ჩვენი ძალიან მნიშვნელოვანი გამარჯვება “ქართულ ოცნებაზე” – განაცხადა პარტიზანმა მებაღემ, ნატა ფერაძემ TV-პირველის ეთერში.