"არასამთავრობო ორგანიზაციები მიეჩვივნენ ფაქტების გარეშე საუბარს" - კობახიძე "საერთაშორისო გამჭირვალობა- საქართველოზე"

პოლიტიკა - 17:17, 17 Oct, 2017

943

საქართველოს პარლამენტის თავმჯდომარე ირაკლი კობახიძე ადმინისტრაციული რესურსების გამოყენების შესახებ „საერთაშორისო გამჭვირვალობა-საქართველოს“ ანგარიშს ეხმაურება.

როგორც კობახიძემ აღნიშნა, რომ ის დრო, როდესაც ერთმანეთთან შერწყმული იყო მმართველი პარტია და ადმინისტრაციული რესურსი, წარსულს 2012 წელს ჩაბარდა.

„სამწუხაროდ, კონკრეტული არასამთავრობო ორგანიზაციები მიეჩვივნენ ფაქტების გარეშე საუბარს, რაც ძალიან არასწორი და სამწუხარო პრაქტიკაა. ჩვენ ყველას მოვუწოდებთ, რომ ისაუბრონ ფაქტებით, ფაქტებზე დაყრდნობით. ჩვენ სერიოზულ კომენტარებს ვერ გავაკეთებთ იმ განცხადებაზე, რომელიც დღეს მოვისმინეთ ადმინისტრაციული რესურსის გამოყენებასთან დაკავშირებით. საქართველოში 2012 წელს ჩვენ წარსულს ჩავაბარეთ ის დრო, როდესაც იყო აბსოლუტურად შერწყმული ერთმანეთთან მმართველი პარტია და ადმინისტრაციული რესურსი. ეს დრო წარსულს ჩაბარდა. დღეს ამ პრაქტიკას არ მიმართავს, „ქართულ ოცნებას“ აქვს ყველანაირი რესურსი იმისთვის, რომ ადმინისტრაციული რესურსის გამოყენების გარეშე მოიგოს ეს არჩევნები ძალიან დამაჯერებლად“,- განაცხადა ჟურნალისტებთან საუბრისას ირაკლი კობახიძემ.