ტელეკომპანია „რუსთავი 2“-ის გენერალური დირექტორი ნიკა გვარამია, საკაბელო ოპერატორების მიერ ექვსი ტელეარხისთვის მაუწყებლობის გათიშვას ეხმაურება. გვარამიას განცხადებით, არა მხოლოდ „რუსთავი 2“-მა არამედ წამყვანმა მედიასაშუალებებმა მოითხოვეს გადასახადი, მათი კონტენტის ტრანსლირებისთვის:

„ეს არის ბუნებრივი, გადასახადი არის საბაზროზე უფრო დაბალი. შესაბამისად, ბუნებრივია, რომ ეს უნდა გადაიხადონ. გაგვთიშეს, არჩევანი მათია. მე დარწმუნებული ვარ, რომ ეს გამოიწვევს იმას, რომ ისინი თავის საბაზრო პოზიციებს დაკარგავენ და ძალიან სწრაფად დარჩებიან მომხმარებლების გარეშე,“ - განაცხადა ნიკა გვარამიამ.

დღის 12:00 საათიდან „რუსთავი 2"-ს, "იმედს", "მაესტროს", "GDS-ს", "მარაოს" და "კომედი არხს" მაუწყებლობა საკაბელო ოპერატორებმა გაუთიშეს.