საქართველოს უმაღლესმა საკანონმდებლო ორგანომ ქვეყნის მომავალი წლის ბიუჯეტი მთავრობას შენიშვნებით უკან გადაუგზავნა. საფინანსო-საბიუჯეტო კომიტეტის თავმჯდომარის, ირაკლი კოვზანაძის თქმით, ბიუჯეტის პროექტთან დაკავშირებით კითხვები არსებობს:

„იყო სოციალურ უზრუნველყოფასთან დაკავშირებული საკითხები, იყო სახანძრო უზრუნველყოფასთან და სხვადასხვა მიმართულებით კითხვები, იყო დაფინანსება სხვადასხვა მიმართულების პროექტების. არის მთელი რიგი შენიშვნები, რომელსაც ვფიქრობ, რომ მთავრობა გადამუშავებულ ვერსიაში გაითვალისწინებს და მივიღებთ ადეკვატურ პასუხებს ყველა იმ კითხვაზე, რომელიც დეპუტატებს ჰქონდათ,“ - განაცხადა ირაკლი კოვზანაძემ.