არასაპარლამენტო ოპოზიციამ დღეს საერთაშორისო ორგანიზაციების წარმომადგენლებსა და დიპლომატიურ კორპუსს წინასაარჩევნო ვითარება გააცნეს. შეხვედრის ფარგლებში აღინიშნა, რომ ადგილი აქვს ოპოზიციის კანიდატებზე ზეწოლას, რის გამოც ხშირია მათი მხრიდან კანიდიდატურების მოხსნის ფაქტები.

ლიდერთა საბჭომ შეხვედრის დასრულების შემდეგ განცხადება გაავრცელა. აღნიშნულს საპარლამენტო უმრავლესობის ლიდერი არჩილ თალაკვაძე გამოეხმაურა. მისი თქმით, მმართველ გუნდს ოპოზიციასთან რაიმე ტიპის შეთანხმებები ნაკლებად აინტერესებს:

„ნაკლებად გვაინტერესებს რაიმე ტიპის შეთანხმებები ოპოზიციასთან იმიტომ, რომ წინასაარჩევნო პერიოდში ოპოზიციური პარტიები არიან მხოლოდ და მხოლოდ ჩვენი კონკურენტები. როდესაც არჩვენები დასრულდება რა თქმა უნდა, დაბრუნდება ნორმალური სამუშაო რეჟიმი ყველა ადამიანს, ყველა პოლიტიკურ ძალას ვისაც მართლა სურს რაიმე პოზიტიური გააკეთოს საქართელოსთვის, ექნება შესაძლებლობა, რომ საკუთარი იდეები და პროექტები განიხილოს მმართველ ძალასთან“- განაცხადა არჩილ თალაკვაძემ.