მეტროსადგურ „უნივერსიტეტის“ გაიხსნას კვირიკაშვილი, კალაძე და ნარმანია დაესწრნენ

პოლიტიკა - 13:18, 16 Oct, 2017

941

თბილისში რიგით 23-ე მეტროსადგური ოფიციალურიად გაიხსნა. მოსახლეობა მეტროსადგური „უნივერსიტეტით“ სარგებლობას დღეს, საღამოს საათებიდან შეძლებს.
გახსნის ცერემონიას საქართველოს პრემიერმინისტრი გიორგი კვირიკაშვილი, ქარული ოცნების თბილისის მერობის კანდიდატი კახა კალაძე, თბილისის მერი დავით ნარმანია დაესწრნენ.
პრემიერ-მინისტრმა თბილისელებს ახალი მეტროსადგურის გახსნა მიულოცა.
"მინდა, ჩვენს დედაქალაქს, ჩვენი თბილისის მცხოვრებლებს მივულოცო მნიშვნელოვანი დღე. დღეს თბილისის მეტროპოლიტენის 23-ე სადგური გაიხსნა. 20-წლიანი პაუზის შემდეგ, 2015 წელს ჩვენ განვაახლეთ მეტროს მშენებლობა და დღეს ეს პროექტი წარმატებით დასრულდა. მნიშვნელოვანია აღინიშნოს, რომ 82 მილიონი ლარის სახით დიდი ინვესტიცია განხორციელდა, მადლობა აზიის განვითარების ბანკს. სამშენებლო სამუშაოები განახორციელა მსოფლიოში ცნობილმა ესპანურმა კომპანიამ, რომელსაც უმსხვილესი პროექტები აქვს განხორციელებული და მადლობა მათ გაწეული წარმატებული სამუშაოსათვის", - განაცხადა გიორგი კვირიკაშვილმა.
პრემიერ-მინისტრმა მეტროსადგურის მშენებლობის პროცესში ჩართულ ორი ათასზე მეტ ადამიანს გაწეული მუშაობისთვის მადლობა გადაუხადა და განაცხადა, რომ ამ ადამიანებმა დედაქალაქში, კომფორტული, თანამედროვე სტანდარტებით და უსაფთხოების სისტემებით მოწყობილი მეტროსადგური ააშენეს
გიორგი კვირიკაშვილის თქმით ახალი მეტროსადგურის ამუშავება დღეში დამატებით 15 ათას ადამიანს გაუადვილებს დანიშნულების ადგილზე მისვლას. მისივე თქმით, დედაქალაქის მერიამ დაიწყო მეტროს მოდერნიზება და გარემონტდა 44 ვაგონი, სამი მეტროსადგური და კიდევ სამი განახლების პროცესშია. პრემიერის თქმით მთავრობას თბილისთან მიმართებაში მასშტაბური გეგმები აქვს

"თბილისში შემოვიდა 143 ახალი ევროსტანდარტების შესაბამისი ეკოლოგიურად სუფთა ავტობუსი და თბილისში 1970-იანი წლების შემდეგ პირველად აშენდა ასევე ევროსტანდარტების შესაბამისი მუნიციპალური ავტობაზა. ამოქმედდა კუს ტბის საბაგირო გზა. ჩვენ გვაქვს გაცილებით უფრო მასშტაბური გეგმები ქალაქ თბილისთან მიმართებაში. დარწმუნებული ვარ, რომ ეს გეგმები აბსოლუტურად სრულად განხორციელდება წარმატებით, რაც ჩვენს თბილისს კიდევ უფრო ლამაზს გახდის", - განაცხადა გიორგი კვირიკაშვილმა.