საპარლამენტო უმრავლესობამ საკონსტიტუციო ცვლილებებზე პრეზიდენტის ვეტო 117 ხმით 7-ის წინააღმდეგ დაძლია. მმართველმა გუნდმა პრეზიდენტის პოზიცია არ გაიზიარა.

ვეტოს დაძლევის შემდეგ პარლამენტის თავმჯდომარემ კომენტარი გააკეთა და ყოველივეს ისტორიული გადაწყვეტილება უწოდა:

„საქართველოში მუდმივად პრობლემა იყო კონსტიტუციის გაუმართაობა, დღევანდელი ძალიან დაუხვეწავი დოკუმენტი, შევცვალეთ დახვეწილი კონსტიტუციით, ეს არის ისტორიული გადაწყვეტილება, ეს იყო ამომრჩევლისთვის მიცემული დაპირება და ის პირნათლად შევასრულეთ, ჩვენ ვტოვებთ ძალიან დახვეწილ კონსტიტუიციას, რომელიც დიდი ხნის განმავლობაში უზრუნველყოფს ჩვენი ქვეყნის დემოკრატიულ განვითარებას“, - განაცხადა ირაკლი კოაბხიძემ.