საკონსტიტუციო ცვლილებებთან დაკავშირებით პრეზიდენტის ვეტოს განხილვას იურიდიულ საკითხთა კომიტეტზე დღეს განიხილავენ. დეპუტატებს მოტივირებულ შენიშვნებს პრეზიდენტის საპარლამენტო მდივანი და ადმინისტრაციის უფროსი გააცნობენ.

პრეზიდენტის საპარლამენტო მდივანი იმედოვნებს, რომ უმრავლესობა თანხმობის შანსს ხელიდან არ გაუშვებს. საპარლამენტო უმრავლესობაში კი აცხადებენ, რომ ისინი ვეტოს დაძლევენ:

„მას შეეძლო გაეთვალისწინებინა ჩვენი შეთავაზება და ეს პროცესი ძალიან მალე დამთავრდებოდა და კიდევ რამდენიმე ისეთი საკიტხი შევიდოდა დაჩქარებული წესით კონსტიტუციაში ცვლილების სახით, რომელიც ვენეციის კომისიასთანაც შეთანხმებულია, აქედან გამომდინარე ჩვენ ბუნებრივია ვიცით პროცედურა და ვეტოს დავძლევთ, ამ საკითხებს ნებისმიერ შემტხვევაში ახალი ინიცირების სახით მივიღებთ“, - განაცხადა მამუკა მდინარაძემ.