ალპინისტმა ბენო ქაშაკაშვილმა, რომელიც ამჟამად „ქართული ოცნების“ წევრია, ტვ პირველის ეთერში დებატების დროს , ლევან კობიაშვილის საფეხბურთო მიღწევების დასახელებისას ისეთი ტიტულები ჩამოთვალა, რომელსაც კობიაშვილთან საერთო არ აქვს. ქაშაკაშვილის თქმით, ლევან კობიაშვილი ფეხბურთის ფედერაციის პრეზიდენტობის ღირსი იყო, რადგან ის ს/კ ბარსელონას ლიდერი და ევროპის ჩემპიონია:

„ლევან კობიაშვილი ბარსელონის ლიდერი იყო და ევროპის ჩემპიონი და კობიაშვილი თუ მივიდა ფედერაციაში ეგ გიკვირს?“- მიმართა ქაშაკაშვილმა ენმ-ს წევრ ლევან ხაბეიშვილს.

ლევან კობიაშვილს საკმაო ტიტულები აქვს, საქართველოს ნაკრების შემადგენლობაში ჩატარებული აქვს რეკორდული რაოდენობის 100 შეხვედრა. ასპარეზობდა გერმანული ბუნდესლიგის კლუბებში: ფრაიბურგში, შალკეში და ჰერტაში, თუმცა ბარსელონას ლიდერი და ევროპის ჩემპიონი ნამდვილად არ ყოფილა.