გორში, „ნაციონალური მოძრაობა“ მმართველ პარტიას მათი მხარდამჭერების დაშინებაში ადანაშაულებს

პოლიტიკა - 13:40, 12 Oct, 2017

1646

მმართველ პარტიას მხარდამჭერების დაშინებაში ადანაშაულებს „ერთიანი ნაციონალური მოძრაობა“ გორში. „ნიუპოსტის“ კორესპონდნეტის ცნობით, პარტიის წევრი მინდია გოდერძიშვილი აცხადებს, რომ საარჩევნო უბნებზე, მათი კომისიის წევრებზე ზეწოლა მიმდინარეობს. კერძოდ, გოდერძიშვილი ირწმუნება, რომ მათი გუნდის წევრებს, მმართველი გუნდის წარმომადგენლები ირიბათ, ოჯახის წევრების და ნათესავების სამსახურიდან გათავისუფლებით ემუქრებიან.

“მიდის ჩვენი კომისიის წევრებთან „კეთილისმსურველი“ და ეუბნება, ხომ არ დაემუქრება მის რომელიმე ნათესავს, ახლობელს ან ცოტა შორეულს საფრთხე, იმიტომ რომ ისინი არიან „ნაციონალური მოძრაობის“ წარმომადგენელი. მე პირდაპირ ხელს არავის არ ვადებ, მაგრამ ფაქტია ის, რომ მმართველი გუნდის საქმეს აკეთებენ“-აცხადებს მინდია გოდერძიშვილი.

ბრალდებას არასერიოზულს უწოდებენ „ქართულ ოცნებაში“, საკითხთან დაკავშირებით განცხადება პარტიის რაიონული ორგანიზაციის აღმასრულებელმა მდივანმა გააკეთა.

„ისედაც გამოშიგნულ „ნაციონალურ მოძრაობას“ რომელმაც, არა მატო საკუთარი წევრები, არამედ ელექტორატიც დაკარგა, ახლა ვიღაცა დაემუქროს მათ კომისიის წევრებს არის სრული აფსურდი. არავის არაფერში არ სჭირდება და ეხლა ვერ დავეყრდნობით ვიღაცეების მკითხაობას და ილუზიებს, რომლებიც არ ასახელებენ რეალურად კონკრეტულ ადამიანებს და ფატებს.“-აცხადებს გელა კაპანაძე.