"კიბერუსაფრთხოებას მნიშვნელოვანი ყურადღება უნდა მიექცეს"- ჯეიმს აპატურაი

პოლიტიკა - 12:04, 12 Oct, 2017

935

ბათუმში მიმდინარე თავდაცვისა და უსაფრთხოების კონფერენციას ნატო-ს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაიც ესწრება. სიტყვით გამოსვლის დროს აპატურაიმ ყურადღება გაამახვილა ალიანსის მეზობლების და პარტნიორი ქვეყნების სტაბილურობაზე. აპატურაის თქმით მნშვნელოვანი ყურადღება უნდა მიექცეს კიბერუსაფრთხოებას. ჯეიმს აპატურაიმ ყურადღება გაამახვილა იმ რეფორმებზე, რომელსაც ატარებს საქართველო როგორც თავდაცვის, ასევე დემოკრატიული ინსტიტუტების განვითარების კუთხით. აპატურაის თქმით ძალიან მნიშვნელოოვანია რომ დემოკრატიული ინსტიტუტები გაძლიერდეს და გაგრძელდეს თავდაცვაში რეფორმები, იმისთვის რომ ამის შეფასება ბრიუსელის მიერ მოხდეს და ქვეყანა გახდეს ჩრდილოატლანტიკური ალიანსის წევრი:

„შეკავების პოლიტიკა სამი ელემენტისგან შედგება, უმნიშვნელოვანია ის რომ ევროპა იყოს უსაფრთხო და ამისთვის საჭიროა რომ გავაძლიეროთ თავდაცვისა და შეკავების პოლიტიკა. ბოლო მონაცემებით ჩვენი ტექნიკაც და კონტიგენტიც აღმოსავლეთ ევროპაში გასამმაგდა და ეს ჩვენი პარტნიორების მიერ შეტანილი წვლილი და დამსახურებაა. ჩვენ უფრო უსაფრთხოდ ვიქნებით თუ ჩვენი მეზობლები უსაფრთხოდ და სტაბილურად იგრძნობენ თავს. მნიშვნელოვანია იმის გახსენება, რომ ჩვენს უკან ბევრი გაკეთებული საქმეა, მთავარი კონტრიბუცია რა თქმა უნდა მოდის ჩვენი პარტნიორებისგან. ჩვენ უნდა გავაგრძელოთ მუშაობა ჩვენს პარტნიორებთან, რომლებიც ჩვენი სტანდარტების შესაბამისად მოქმედებენ. გაცილებით უსაფრთხოდ ვიქნებით თუკი ჩვენი მეზობლები თავს სტაბილურად იგრძნობენ . რაც შეეხება საქართველოს ის ასპირანტი ქვეყანაა და ჩვენი მნიშვნელოვანი პარტნიორია. ჩვენ ვაწესებთ სტანდარტებს არა მხოლოდ თქვენი შეიარაღებული ძალებითვის, არამედ ყველა ინსტიტუციური პროგრამისთვის და ინფრასტრუქტურული პროექტისთვის. ახლა კი მთავარი კომპონენტი კიბერუსაფრთხოებაა, რომელსაც მნიშვნელოვანი ყურადღება უნდა მიექცეს “- განაცხადა ჯეიმს აპატურაიმ.