ტელეკომპანია „იმედმა“ უარი განაცხადა პოლიტ-დებატებში „ლეიბორისტული პარტიის“ მერობის კანდიდატის გიორგი გუგავას მიწვევაზე, აღნიშნულს პარტიის ლიდერი შალვა ნათელაშვილი ეხმაურება:

“მსოფლიო პოლიტ-დებატების ისტორიას არ ახსოვს ისეთი დისკრიმინაცია და აგრესია მასმედიის საშუალებიდან, რაც ლეიბორისტული პარტიისა და მერობაზე ჩვენი კანდიდატის გიორგი გუგავას მიმართ დღეს ჩაიდინა ტელეკომპანია იმედმა.მე ივანიშვილ-კალაძისაგან იმედის დაცვაში მაშინდელმა ხელისუფლებამ სიკვდილი მომისაჯა. ეს ლამის მსოფლიომ იცის. სირცხვილი და კიდევ სირცხვილი. მე თანდათან მიმტკიცდება რწმენა რომ ბადრი პატარკაციშვილის სიკვდილი ყველაზე მეტად აწყობდათ მის ქვრივსა და იმედის დირექტორ რუხაძეს რომელთაც დარჩათ ამ ადამიანის მილიარდები და რომლებმაც ბადრის მიერ, ქართველ ხალხზე ნაჩუქარი იმედი ჯერ მიყიდეს სააკაშვილს 400 მილიონად, ხოლო შემდეგ ეს ტელეკომპანია მიართვეს ბადრის და ქართველი ხალხის დაუძინებელ მტერ ივანიშვილს. მოვა დრო ყველაფერი კიდევ უფრო ნათელი გახდება”, - აცხადებს შალვა ნათელაშვილი.