,,გვახსოვს, წარსულში ჯიშკარიანი და ეს ადამიანები ბეისბოლის ბიტებით დარბოდნენ და მე იქ დეპუტატის მანდატით მივედი“

,,გვახსოვს, წარსულში ჯიშკარიანი და ეს ადამიანები ბეისბოლის ბიტებით დარბოდნენ და მე იქ დეპუტატის მანდატით მივედი“ - ბოკუჩავა

პოლიტიკა - 20:41, 10 Oct, 2017

4222

გულისტკივილით ვამბობ, პოლიცია ასეთ სამარცხვინო დავალებებს არ უნდა ასრულებდეს - ამის შესახებ ნაციონალური მოძრაობის წევრმა, დეპუტატმა თინა ბოკუჩავამ ტვ პირველის ეთერში განაცხადა.

,,ეს ადამიანები გვახსოვს ჩვენ წარსულში რა მეთოდებით იბრძოდნენ, ჯიშკარიანი... მასკააფარებულები და ბეისბოლის ბიტებით რომ დარბოდნენ. მე დღეს იქ მივედი კონსტიტუციით და ჩემი დეპუტატის მანდატით შეიარაღებული იმისთვის, რომ იქ დამესვა კითხვები. მაგრამ პოლიციამ, და ამას გულისტკივილით ვამბობ, რადგან მეამაყება რომ ქრთამის ამღები მილიციიდან შევქმენით პოლიცია, რომელიც ასეთ სამარცხვინო დავალებებს არ უნდა ასრულებდნენ, ისინი არღვევდნენ კონსტიტუციას და კანონმდებლობას. აქ მნიშნელოვანი ის არის, რომ ამ ყველაფრის დამკვეთი ზის ქანდარაზე, შემომჯდარი იქიდან დაჰყურებს თბილისს და ის არანაირი ანგარიშვალდებულების მატარებელი არ არის ქართელ ხალხთან, მას ჰყავს მარიონეტები იქნება ეს წულუკიანი თუ ნებისმიერი სხვა... და თუ ვერ შეასრულებენ მოაშთობს ისე როგორც ირაკლი ღარიბაშვილი“ - განაცხადა ბოკუჩავამ.