"თქვით ვინ გიბრძანათ, მაგრამ ვერ ამბობთ, გეშინიათ"- სამნიძე საკრებულოს თავმჯდომარეს

პოლიტიკა - 16:05, 10 Oct, 2017

1353

თბილისის საკრებულოს წევრის, „რესპუბლიკელი“ ხათუნა სამნიძის თქმით, საკრებულოს თავმჯდომარე ბიძინა ივანიშვილის ბრძანებით საკრებულოს რეგლამენტს არღვევს:

„თქვენ არ გქონდათ არავითარი უფლება, რომ მიგეღოთ გადაწყვეტილება და მთელი სახელმწიფო მანქანა მობილიზებული ყოფილიყო და საკრებულოს ირგვლივ ყოფილიყო ისეთი დაცვა, რომ არავის ქონოდა საშუალება შემოსულიყო სხდომაზე და დასწრებოდა. რის საფუძველზე და ვისი ბრძანებით დახურეთ სხდომა? ვისი ბრძანებით არიან სუს-ის თანამშრომლები შენობაში? ისინი უკანონოდ ფანჯრიდან ვიდეოკამერებით იღებენ ადამიანებს, რომლებიც არიან გარეთ. გარეთ მყოფ ადამიანებს ეუბნებიან რომ ადგილი არ არისო, ადგილი არის. თქვენ საკრებულოს თანამშრომლებს უბრძანეთ, რომ შემოსულიყვნენ და დამდგარიყვნენ აივანზე. აქაც კი არღვევთ კანონს, საკუთარ თანამშრომლებს იმორჩილებთ, რომ საკუთარი ნების გარეშე დადგნენ იქ. მე გეკითხებით ვისი ბრძანების საფუძველზე მოქმედებთ ბატონო გიორგი და რა მუხლის საფუძველზე დახურეთ სხდომა. თქვენ შიშის საფუძველზე დახურეთ სხდომა, იმიტომ რომ ვერ ასრულებთ საკუთარ უფლება-მოვალეობებს. თქვით ვინ გიბრძანათ, მაგრამ ვერ ამბობთ, გეშინიათ.“- განაცხადა ხათუნა სამნიძემ.