ვითარება თბილისის საკრებულოს შენობასთან - დღეს დეპუტატებმა კენჭი უნდა უყარონ ბიძინა ივანიშვილის კუთვნილი კომპანიისთვის მიწის ორი ფართობის გადაცემის საკითხს, საუბარია მიწის ფართობებზე თაბორის მთასა და თავისუფლების მოედნის მიმდებარე ტერიტორიაზე.

საკრებულოს სხდომა დღეს 16:00 საათზეა ჩანიშნული, რომლის პარალელურადაც „ევროპული საქართველო“ აქციას გამართავს.

14:00 საათზე საკრებულოს შენობასთან აქციას გამართავს „ერთიანი ნაციონალური მოძრაობაც“.

საკრებულოს თავმჯდომარის გადაწყვეტილებით დღევანდელ სხდომას მხოლოდ დეპუტატები დაესწრებიან, სხდომას ვერ დაესწრებიან სამოქალაქო პირები და პარლამენტის დეპუტატები. შენობასთან მობილიზებულია საპატრულო პოლიციისა და სპეცდანიშნულების რაზმის ასობით თანამშრომელი.